李佳芯（Ali）日前為楊詩敏（蝦頭）和連詩雅（Shiga）主持的網上節目《絲打圍爐》做嘉賓，討論「10大最易撻着的情景」。Ali坦言可能是「演員底」，小時候很容易被撻着，但長大後會懂得控制情緒，學識分真與假。
預設10個場境當中，Ali直認「拍對手戲」最容易撻着，但慶幸自己較遲開始拍劇，否則很容易因迷失，而「鍾意」上對手。被問到有否遇上類似情況？Ali坦白地說：「有呀，阿Mo（陳豪）。」Ali自認是一個慢熱的人，但與阿Mo卻合作無間，她說：「《潮流教主》嗰陣係敵對，加上我好慢熱，嗰時好唔熟，到《跨世代》就真係...我哋係一pair啦，因為阿Mo真係一個好nice嘅人，無論戲內戲外都好照顧人，真係一個好爸爸，好老公。有時去到一個位，嗰時應該係《誇世代》同《殺手》之間，有一刻，嘩，呢個咁嘅男人，如果我早多幾年入行，如果佢未結婚，真係會中（易戀上對方），因為佢真係一個太好嘅男人，你睇住佢對老婆，佢真係晚晚face time（視像）Aimee，好sweet！呢個男人好到，嘩，做老公一流。」
李佳芯接受蝦頭同連詩雅訪問，好多笑聲。
Ali話拍劇好容易同對手撻着。
佢就曾被陳豪電親，仲幻想過對方如果冇結婚.....
陳豪真係好有女人緣，去到邊都咁受歡迎。
陳豪出名愛老婆同仔女，喺屋企都戴住口罩保護家人。
另外，討論到「有難雪中送炭」時，三人異口同聲表示很容易被撻着。不過，Ali指自己給人一種很獨立的感覺，即使病都不喜歡求救，但其實打從心底是渴望被愛。拍拖時，對方亦感受不到自己被需要：「我冇畀到對方有好需要照顧嗰種感覺，所以佢成日會覺得你會自己搞掂，而我又唔會煩人，做到自己做，叫得人做不如自己做咗，但其實好蝕底。」蝦頭建議別再裝強，Ali亦認同要坦白地表達自己感受：「譬如撒嬌，你咪當係情趣囉，例如洗碗，我今晚好攰（撒嬌聲）用一啲方法令對方覺得，原來你需要關心。」
Ali係好多人心目中女神，但自認唔懂得表達需要被愛。
訪問中，亦暗示與前男友陳炳銓分手原因。
更多新冠疫情資訊，請到以下專頁瀏覽按此
立即下載｜全新《星島頭條》APP：https://bit.ly/3yLrgYZ
