32歳的周志文和周志康是孖生兄弟，2009年一齊參加第一屆《超級巨聲》，或許至今仍有好多人唔認得「邊個大孖？邊個細孖？」在昨晚（5日）播出的《日日媽媽聲》，細孖周志康就自爆連老婆都曾經認錯兩兄弟，他說：「因為佢唔知我係孖生，嗰時佢第一次上我屋企，我咁啱整緊嘢、我阿哥去開門，佢就奇怪點解呢個人咁熟悉又咁陌生嘅。」反而兩名女兒就未有撈亂他和哥哥志文。
周志康體驗「經痛之苦」，佢除咗痛到眼都紅埋，仲要連企都企唔直。
志康話因為自己爸爸媽媽好恩愛嘅關係，所以自細已對婚姻充滿期盼。
三兄弟一齊錫媽咪。
冇留鬚嘅係細孖周志康（左），有留鬚嘅就係大孖周志文（右）。
兩兄弟童年照，同大哥哥，最右邊係細孖周志康。
阿康在25歲成家立室，26歲就當「嫩爸」，現已有7歲大女Emma，和3歲細女Elva。被指是「佛系爸爸」的阿康，笑言一早已打算早婚並對婚姻充滿期盼：「我係孻仔吖嘛，我由細到大都好想有人畀我照顧，咁我依家屋企有三個Queen畀我照顧。我最縱兩個女嗰個，亦係最惡嗰個。」
初相識時，阿康嘅靚老婆都認錯兩兄弟。
阿康開心做「嫩爸」，現有女萬事足。
細述囡囡「胎前記憶」
另一嘉賓關心妍就透露婚後等足7年才懷有囡囡楊榮心（心心），並分享了囡囡的神奇「胎前記憶」，並坦言一度被冧至爆喊：「唔知真定假㗎，佢（囡囡）講㗎啫，但我做媽咪聽到係冧到不得了。大家知我等咗佢七年，我每晚都會陪佢瞓嘅，嗰日我忍唔住多謝佢嚟到呢個世界上、又話我真係好鍾意佢，點知佢無啦啦彈咗句：『我都等咗你好耐啦，我喺舊雲上面等你，Jesus喺嗰度畀我揀（媽咪）。』（你點知係我？）你粉紅色頭髮架嘛。』咁嗰時我演唱會嘅髮型真係粉紅色頭髮嘅…嗰晚我叫完阿囡瞓，就衝出去搵老公爆喊，好感動！亦都想鼓勵番媽媽們，你等緊佢（BB）之餘，其實佢都等緊你。」
關心妍一度想過領養小朋友。
Jade話佢最著重囡囡嘅品格。
更多新冠疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
