昨天網上流傳一張相片，有位中年男子喺天星渡輪上同一名女子相擁，雖然男女面容不太清楚，但有眼利嘅網民懷疑係有線新聞副總經理許方輝。據知，有線電視好緊張事件，因為相中人可能係返緊工，有關男士已暫時休假。
一名新聞工作者點解連網民都認得，原來事主早年喺另一電視台工作，當時已婚，疑戀上一齊出鏡報新聞嘅女主播周嘉儀，因此成為娛樂新聞人物。
許方輝早年疑戀上一齊出鏡報新聞嘅女主播周嘉儀。資料圖片
當年有雜誌爆料，話許、周兩人被人影到喺「車上親暱」嘅相片，揭發女方同已婚嘅男方發展關係。事後兩個人即時申請放假，暫時不亮相。其後，男女雙方都離開電視台，男方近年加入咗有線新聞部，不再傳出緋聞。
但昨天網上瘋傳佢在渡輪上嘅相片，佢戴上口罩一手攬住一個女士，另一隻手就放喺女士嘅膝頭上面，而個女士臉貌被男方遮住，但雙手攬住男方腰圍。
據悉，相片引起有線電視關注，由於事發時疑是返工時間，男方已暫時休假，會再了解事件。
星島新聞集團慶回歸25周年專題網站，請即瀏覽
立即下載｜全新《星島頭條》APP：https://bit.ly/3yLrgYZ
