鄭嘉穎家中扮恐龍𠱁兩子帶去睇展覽嚇親惟有自己打卡

鄭嘉穎和陳凱琳（Grace）婚後育有兩子，大仔Rafael轉眼已3歲，而細仔Yannick下月亦將迎來兩歲。向來是廿四孝爸爸的嘉穎，不用開工的日子都愛陪家人，日前一家四口便到尖沙嘴睇機動恐龍展。他在社交網貼出多張與囝囝的溫馨合照，並透露自己經常在家扮恐龍𠱁兩個仔，他寫道：「實不相瞞，其實我喺屋企經常都會扮恐龍同兩個仔玩。每一次佢哋兩個都encore，叫我繼續扮。所以今次有恐龍睇，我哋一家第一時間就諗住落去影相打卡！」

嘉穎的囝囝見到恐龍好大隻，即時怯咗。

阿仔蓋吓印就算。

父子咀嘴好溫馨。

陳凱琳操刀為老公拍照。

嘉穎表示兒子見到恐龍卻有點膽怯：「去到嘅時候先知道原來恐龍好大好真實仲會郁嘅添，搞到兩個仔都有啲驚⋯⋯最終都係要抱住大仔先肯影兩張相，咁唔緊要啦惟有爸爸擺下pose，影返幾張做留念，第日畀返你哋睇！」相中見到嘉穎擺出不同鬼馬表情與恐龍合照，跟平時cool爆的樣子截然不同，抱住囝囝更流露出慈父樣，其中一張與Rafael嘴對嘴的合照，簡直是父愛泛濫，難怪嘉穎日前慨嘆兒子大得太快，要好好珍惜。