世界級男團防彈少年團（BTS）剛推出新專輯《Proof》，13日慶祝出道9周年，本周二（14日）舉行周年聚餐直播，其間公告組合將暫休，專注個人發展，消息震驚全球。其實熟知KPOP文化都好清楚，因為服兵役關係，男團必定經過組合暫休單飛再重組階段，只是BTS選擇直播中講出嚟。
由於消息並非官方公告，有傳媒報道BTS解散後集體炒車。昨晚隊長RM在官方社交平台撰長文解釋BTS並不是解散，「在宣佈休團消息後，睇咗好多報道的標題，有好多刺激性的關鍵詞，如『解散』、『停止活動』等等。我不是不知道會發生這種情況，也不是沒有準備好發生這種情況。」
RM續指：「今次直播特別為跟BTS同行九年的Fans錄製，看過影片都知道，我們真正想傳遞的是如新主打歌《Yet To Come》一樣，這不是結束。」他又提到自己落淚的場面在網上瘋傳，令他有感自己是否太意氣用事，想要講真心話的勇氣總會造成不必要的誤會和憤怒。
另外，成員柾國（JK）昨晚（15日）亦開直播再三澄清BTS不會解散，更連講數次，「睇完聚餐直播瞓咗一陣，一起身見到好多BTS嘅新聞，話BTS會解散同停止所有活動，可能有人冇睇直播誤會，亦担心ARMY，所以我想喺度澄清呢一點，BTS仍有好多嘢要做，只係會進行個人活動，絕對唔係解散，冇睇到嘅人有誤會，所以再講一次，我哋唔係解散，BTS仍有好多工作要做，你哋完全唔使擔心，BTS is forever，ARMY is Forever。」另外佢又重申防彈團綜《Run BTS!》會繼續拍攝，留意返，佢全程笑住講。特別一提，J-Hope及RM已公開BTS的友情紋身，同是紋在小腿後，JK爆咗JIN亦已紋，更紋在鎖骨位，Fans都期待睇JIN嘅處男紋身。
安慰完Fans，JK又開始開小型演唱會，但背景換咗係嘅佢新居，背後仲有洗手盤，佢連環唱出多首歌曲，《My You》、《12:30》及《That That》等，唱後者更坐住郁手郁腳，非常Hyper，佢仲話希望PSY睇唔到。最搞笑係JK唱唱吓歌去咗洗碗，仲話可以洗住碗嚟唱歌，當時睇直播人數超過700萬人。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
