洪天明在新戲《被消失的凶案》中患有類風濕關節炎及濕疹，又會同「怨婦」DaDa有感情線，更有咀戲添。天明稱睇住DaDa成長，事隔多年首次合作，大讚對方演技進步咗唔多。採訪：方騫平
身在杭州嘅洪天明好掛住屋企。
片中洪天明跟同住的DaDa被警方懷疑通姦殺人，而天明為咗演繹呢個可憐人角色，每次開工都需要花逾6至7小時化特技妝變成爛面，連雙手及手肘關節位置都整到有水皰，好逼真。因為係類風濕關節炎病人，天明做乜都要慢動作，同以前拍動作片好唔同。
導演臨時加返洪天明同DaDa嘅咀戲明醒佢。
片中有濕疹嘅洪天明，每次開工都需要花6小時化特技妝。
有妻兒情感變豐富
提到拍擋DaDa，天明說：「佢出道時我已經識佢，但一直冇聯絡，諗唔到第一次合作拍戲咁有驚喜。本來我哋覺得冇需要有咀戲，後來導演堅持，不過，最難反而係一齊拍喊戲，好彩𠵱家有家庭，情感豐富咗，比較容易喊得出。」近年洪天明在內地發展，他坦言好想留港拍港產片，爭取同家人見面機會：「最長一次唔喺香港8個月，離港時兩個仔洪大仁和洪竟琋喊到癲，今年第一年陪唔到囝囝過生日及慶祝結婚周年，老婆周家蔚詐晒型，但疫情下真係冇辦法，希望佢可以體諒，我都係為咗搵食，始終疫情下生意影響好大，投資嘅餐飲、直播和電影公司同樣受影響，收入唔穩定。」
洪天明同妻兒聚少離多，老婆周家蔚好唔高興。
3母子平日只能靠視像跟他見面。
離港前兩子攬實天明唔放，喊到癲。
洪天明都想再參與《超級無敵獎門人》。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
