Juicy叮｜網傳女子巴士上幫人紋身網民嘩然：唔好咁癲好趕時間咩

香港人生活節奏一向都快，近日網上流傳一條影片，片中所見一名紋身師傅在行駛中的巴士上替顧客紋身，非常專注，惟巴士一度搖搖晃晃，令一眾網民觸目驚心，直言「唔好咁癲啦，一陣失手咁就一世喇」。

該段在網上瘋傳的片段長約26秒，未知拍攝時間，片中所見一名女紋身師坐在雙層巴士的上層位置，替一名客人紋身。當時車上未見有太多乘客，車廂搖搖晃晃，但戴上耳機、頭燈及手套的女紋身師非常專注為顧客紋身，而客人則只穿着短襪，將右小腿擱在紋身師的大腿上。至於片段最後5秒，則是相信為同一名女紋身師，在另一架巴士上替人紋身。

有關片段令網民嘩然及熱議，大部份人均認為在巴士上紋身猶如「搵命搏」，直指車廂衞生情況欠理想，細菌非常多，加上巴士不斷左搖右晃，隨時發生不可避免的意外，「唔好咁癲啦，巴士chok㗎」、「好趕時間咩？」、「一陣失手咁就一世喇」。