吳若希早前透露將到內地拍劇，照顧子女重任要交給老公，又笑言離家工作令老公呼吸到自由空氣。吳若希近日原來已抵內地開始隔離生活，不過隔離期才剛開始幾天，她似乎已經受不了。
吳若希要離家數月到內地拍劇。
吳若希日前於IG上載影片分享隔離第5天的心情，她透露本來想聽歌轉換吓心情，豈料被歌曲搞喊，「容許我抒發少少掛念的情緒，音樂就係有種神奇魔力，就係你開心時聽到音樂，你會覺得更加開心，但係當你好掛住屋企，喺某一種情緒入面時，再聽到音樂就會……可以幫你將件事，催化到好大。」講到呢度，吳若希開始有啲眼濕濕，原來她本來因為太掛住個女，想聽歌舒緩吓情緒，點知更加掛住個女，令她情緒有啲低落。不過吳若希情緒來得快亦去得快，她很快就轉運動模式，在房內對住牆打乒乓波，最後又鍚公仔當係女兒Giselle，抒發思念之情。
吳若希聽歌令掛住囡囡的情緒大爆發。
吳若希在內地隔離中。
掛女掛到要錫公仔。
打乒乓波郁動吓。
鬼主意多多的她更分享日前整蠱在同一酒店隔離的戴祖儀，表示因為在房內聽到其他房間有小朋友的笑聲，令她忽發奇想，「我同佢講，你有冇聽到我嗌你？但其實我冇嗌到佢，跟住佢話『冇喎，聽唔到喎』，於是我話畀佢聽，可能聲音真係向上傳遞，所以我喺上面嗌你，你聽唔到。」於是就整蠱戴祖儀，叫對方開窗大叫，於是戴祖儀真係走去開窗大叫：「吳若希！」笑到吳若希反肚，但原來吳若希同樣咩都聽唔到，Fans都留言話佢好無聊呀！
吳若希整蠱在同一酒店隔離的戴祖儀。
吳若希叫戴祖儀開窗大叫。
整蠱人令吳若希好開心。
戴祖儀真係好單純。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
