Edan阿Dee Locker夠默契似兄弟《闔家辣》入圍海外電影節響頭炮

鄭中基、梁詠琪、呂爵安（Edan）主演，吳君如擔任監製兼演出的溫情電影《闔家辣》，即將在下月14日上映，而電影公司今日率先帶來好消息，就是電影入圍紐約亞洲電影節及加拿大Fantasia Film Festival兩個電影節，為這齣香港首部暑期賀歲片打響頭炮。

導演鄭晉軒得知好消息，坦言感到超級興奮：「我覺得一部講廣東話嘅電影可以衝出香港，係一件好開心嘅事，因為本身故事都係真人真事改編。其實今次套戲嘅故事係一個好好嘅的機會，畀大家可以認識關於香港嘅另一面，亦是我最想睇到，希望大家睇到呢部電影喺創作上嘅故事，睇到呢一代香港人嘅電影。」

原定今年農曆年上映，但因疫情而押後至下月。

導演鄭晉軒（左）感到十分開心。

Edan在戲中要面對買樓壓力。

另外，戲中情同手足的三兄弟，Edan跟何啟華（Dee）及林家熙（Locker）飾演情同手足的好朋友，雖然阿Dee和Locker之前各自跟Edan合作過，但今次是他首次跟兩人一同拍電影，依然默契十足。其中一場大排檔盡訴心中情戲就講到Edan的家人希望他買樓，身為兄弟的阿Dee和Locker陪飲又陪傾，正式拍攝時都真的有飲酒落肚，多少有些醉意，更加投入戲內的氣氛。

另外，Edan、阿Dee和Locker都有跟前輩鄭中基同場演出，一同拍攝在的士上的戲份，其中飾Edan老竇的鄭中基是的士司機，三人坐於後座「聽教」，未正式拍攝時，三人跟鄭中基和監製陳可辛一同討論劇本、對白和試戲，在面對前輩時他們都會表現得較為恭敬，但3人未埋位時即放鬆傾偈及跳舞，認真似足3兄弟。