為祝賀香港回歸25周年,TVB推出《回歸光影頌》系列,除單元劇集《究竟天有幾高》、《母親的乒乓球》、《我的驕傲》、《神奇的燈泡》、《曙光》外仲有15集嘅重頭劇《回歸》。何廣沛、陳曉華更孭重飛,有份由《曙光》貫穿演到《回歸》。另外,文偉鴻監製點名大讚陳山聰及唐詩詠演技令人動容。採訪:方騫平
![五人都係好有份量嘅TVB監製。](https://image.hkhl.hk/f/1024p0/0x0/100/none/0789299583943c2a5db1015daaa16758/2022-07/IMG_20220628_163954.jpg)
五人都係好有份量嘅TVB監製。
唐詩詠及陳山聰於單元劇《我的驕傲》中表現一流。
《回歸光影頌》電視劇集系列集合TVB五位金牌監製,包括羅永賢、文偉鴻、林志華、陳耀全、陳維冠,透過5個不同嘅香港故事,帶領觀眾感受香港回歸以來嘅變遷。負責監製《回歸》及《回歸》前傳《曙光》嘅林志華指,何廣沛、陳曉華會由《曙光》貫穿演到《回歸》,即主演《回歸》嘅陳煒及郭晉安年輕版。林志華安排何廣沛、陳曉華孭重飛,因為兩人自合作《異搜店》後好有CP感,不用Warm Up,一埋位就有好甜蜜的感覺。
![何廣沛及陳曉華於單元劇《曙光》中演一對甜蜜年輕夫妻,並於劇集《回歸》的回憶片段中再出現。](https://image.hkhl.hk/f/1024p0/0x0/100/none/7b423c2aa9f01a48c7cbd820fc4df65a/2022-07/92f5-23fc463f9cd9d72757d42cf579891a5c_0.jpg)
何廣沛及陳曉華於單元劇《曙光》中演一對甜蜜年輕夫妻,並於劇集《回歸》的回憶片段中再出現。
![陳煒及郭晉安於《回歸》中,延續何廣沛及陳曉華的故事。](https://image.hkhl.hk/f/1024p0/0x0/100/none/65b683cba7211e884bb7df7bc5af5a8f/2022-07/01_2.jpg)
陳煒及郭晉安於《回歸》中,延續何廣沛及陳曉華的故事。
呈現回歸25年的重要事件
《我的驕傲》監製文偉鴻稱,為令觀眾感受更深,會將25年嚟香港經歷過嘅高低起跌呈現,包括沙士、傳遞聖火以及回歸典禮盛況場面。當中最印象深刻是唐詩詠透過窗口,遙距向患沙士嘅老公陳山聰送上鼓勵一幕,兩人演得好催淚,連佢都忍唔住流眼淚。陳維冠的《神奇的燈泡》,故事構思來自香港小市民自身問題,演員周嘉洛及江嘉敏努力演繹,行出嚟已好貼近角色。
![唐詩詠重演沙士時遙距探病一幕。](https://image.hkhl.hk/f/1024p0/0x0/100/none/d9ac6907cd73eeaacd22c46d17edcd1c/2022-07/Screenshot_20220704_225101_com.facebook.katana.jpg)
唐詩詠重演沙士時遙距探病一幕。
![陳山聰只能喺病房內揮手,演技令人動容。](https://image.hkhl.hk/f/1024p0/0x0/100/none/446a06ba0f1af3f1b905794422425d00/2022-07/Screenshot_20220704_225043_com.facebook.katana.jpg)
陳山聰只能喺病房內揮手,演技令人動容。
![周嘉洛、江嘉敏完美演繹小市民角色。](https://image.hkhl.hk/f/1024p0/0x0/100/none/b9589133292fc5d274068b44ceed733a/2022-07/10_2.jpg)
周嘉洛、江嘉敏完美演繹小市民角色。
《母親的乒乓球》由陳耀全監製,他指陳自瑤、陳展鵬好少演父母角色,不過兩人對慣小朋友,演出時會投射真實情感落去,睇起嚟同以前作品有好大分別。至於《究竟天有幾高》監製羅永賢表示,龔嘉欣除咗打得仲有好文青的一面,做科研人員非常適合,而姜大衛的表現就是一個好字。
![陳自瑤、陳展鵬劇中均有囡囡。](https://image.hkhl.hk/f/1024p0/0x0/100/none/a9f64201d52d932571f74333e514a36a/2022-07/WAH02270.jpg)
陳自瑤、陳展鵬劇中均有囡囡。
![《究竟天有幾高》中,姜大衛演科研教授,龔嘉欣是他的愛徒。](https://image.hkhl.hk/f/1024p0/0x0/100/none/7f3a8fc2d9ff480d0f787d468c005f5a/2022-07/WAH07831.jpg)
《究竟天有幾高》中,姜大衛演科研教授,龔嘉欣是他的愛徒。
星島新聞集團慶回歸25周年專題網站,請即瀏覽
立即下載 | 全新《星島頭條》APP https://bit.ly/3yLrgYZ