Zolarwind 2.0喺疫情下冇放棄過出歌，繼去年推出「西人三部曲」系列後，最近再出新歌《我和成長了的我對話》，更由漫畫家梁偉家將4子及經理人黃柏高(Paco)結合港漫，拍成MV及製成《歌曲漫畫紀念特刊》。漫畫中嘅Paco惡形惡相，藝深話唔怕佢會嬲，仲強調「Paco係個好老闆。」採訪：方騫平 攝影：沈健程
藝深(左1)、Tommy(右1)、阿冠(後左1)、波子(後右1)對唱歌好有熱誠。
四人樂隊ZW新歌《我和成長了的我對話》由火火填詞、成員Tommy作曲，歌曲主要係唱出要尋回失去嘅重要價值，由於表達自己嘅心態，Tommy用咗沖涼嘅半個小時完成作品。
ZW唔覺得𠵱家做音樂好悲哀。
疫情下冇收入都堅持
漫畫家梁偉家邊畫邊感受及唱返自己的故事：「𠵱家港漫得返啲武俠打鬥題材，同以前好唔同，好難有生存空間。」問到4子最後悔失去咗啲乜？藝深認真諗緊，自言自語時：「呢啲每個人都有…」隊友阿冠、Tommy、波子你一句我一句，狂笑藝深失去咗青春及頭髮，但得到體重！波子坦言呢幾年冇晒嘢做，失去咗好多錢！
港漫畫家梁偉家(後左1)為4子新歌畫成港漫，製作MV及紀念特刊。
藝深被隊友取笑他失去咗青春及頭髮，但得到體重！
藝深又指對音樂的理想仍然不變：「疫情下就算冇乜收入都要堅持，今次最慳都用咗接近6位數字出歌，好彩班兄弟個個都有生產力，自己剪片、編曲及自己錄音可以減低成本，支出由我同Paco負擔，佢哋就付出時間及Talent。」阿冠唔覺得𠵱家做音樂好悲哀：「悲哀就各散東西啦，但要多少少回報，就要放多啲心機去做，真係好攰。」藝深堅稱同Paco都係有信念嘅人：「要用樂觀積極心態，至少𠵱家行啱咗方向，唔做一定會冇。」
漫畫化的4子及Paco，Paco仲有啲惡形惡相。
4子好感激Paco出錢出力支持佢哋。
ZW去年推出「西人三部曲」系列，其中一首歌為《馬騮戲》。
4子知道出歌唔易，所以努力去做宣傳。
波子同軒仔都係音樂人，所以好老友。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
