周日的聯賽盃決賽，吸引逾七百多位球迷入場。
周日採訪聯賽盃決賽和富大埔對深水埗，超過七百多名球迷走入九龍灣公園運動場，氣氛熱鬧。傳聞新季可能再有聯賽雙料娛樂，如果可以先谷起入座數目，再吸引商戶合作，便有機會先旺丁、後旺財。
足總及球會仍在為成立港超聯賽會部門商討，傳聞包括雙料娛樂回歸，即是一場門票價錢連看兩場比賽。以傳媒角度而言，可以節省轉車轉場再去採訪之苦，部分「大癮」球迷亦不用再跑足兩個場地睇波。問題是，雙料娛樂門票價錢是多少才合理?
有體育傳媒前輩說，如果是他主政，寧願每張門票二十元，用平飛吸引球迷塞爆球場，再用入場人數拉攏商戶合作賺錢。每張門票二十元的確是綽頭，但要球會接受如此低價，又要有人手拉攏商業合作，有何球圈高手願意接招？如果票價二十元誇張地低，雙料娛樂票價應該是多少？六十、八十還是一百？另一點，是除了比賽以外，能否每個月有幾場焦點比賽加插商戶活動，或者安排嘉年華攤位娛賓？
球市好壞事在人為，以去年三月青衣場扯紅旗為例，因防疫限制只得不足七百人入場，話題卻延續一個星期。香港人最愛熱鬧，如果本地波開季已有紅旗爆棚波，加上黃威、安永佳等港將作焦點宣傳，絕對不愁沒有商機。吳家祺
立即下載 | 全新《星島頭條》APP : https://bit.ly/3yLrgYZ
