Martin增磅時以食蛋白質為主，幸好他對鍾意食烚雞肉和西蘭花。
Previous Next

有「翻版柯震東」之稱的王智騫（Martin），最近在ViuTV青春劇《I SWIM》飾演「學霸」游泳隊成員「程子帆」，他坦承同角色剛剛相反，所以為了演好角色，他除了要努力學游水外，本身瘦底食嘢不多的他，更要瘋狂喪食極速增10kg，希望演出時更神似。 採訪：杜杜 攝影：沈健程 髮型：AL Leung@The attic 服裝：Sandro

由細到大屬過敏體質的Martin，飲食都要戒口，有殼海產及冇鱗魚都不能食。
由細到大屬過敏體質的Martin，飲食都要戒口，有殼海產及冇鱗魚都不能食。

 

講到同「阿帆」相似度，Martin坦言「學霸」同運動健將兩方面都唔似，更笑指如果似角色有個人會好開心，「我中學成績一般，如果好似角色咁，我阿媽應該會幾開心。課餘活動都唔似，我中學有修Art，嗰時一放學就留喺Art　Room度畫畫。而性格同自己都唔似，我本身係比較跳脫，突然間會做啲大家意想唔到嘅嘢，比較古靈精怪。」唯一多老友這方面跟「阿帆」算最似，「我讀書時都頗多朋友，角色同同學相處都似我當年讀書。」

劇中演「學霸」「程子帆」的Martin，拍攝時要背不少硬資料有一定難度。
劇中演「學霸」「程子帆」的Martin，拍攝時要背不少硬資料有一定難度。

 

Martin跟其他對手相處融洽，好似返回讀書時代。
Martin跟其他對手相處融洽，好似返回讀書時代。

帶住藥拍游水戲

Martin在劇中是游泳隊成員，但現實游水卻麻麻，所以接拍後要努力苦練，「基本上由零開始，起步跳水係好難，劇組喺我哋訓練時，都會拍啲片畀我哋睇，後尾睇返自己第一次跳水都幾搞笑，好似手腳唔協調咁。」幸好到開機前總算成功，不過長期在水中拍攝，Martin竟然要帶住藥傍身，「我係過敏體質，我唔可以長時間喺游泳池水度，個身會出現一撻撻，要即刻搽藥膏同食藥。」

因為容易過敏關係，本身Martin少游水，因為連海水有時都會過敏。
因為容易過敏關係，本身Martin少游水，因為連海水有時都會過敏。

除了練水，Martin亦要為角色狂操肌，「我本身有做gym習慣，但本身比較瘦，我反而係諗點樣去谷大隻啲，本身都冇諗過自己係太奀，但係訓練時拍埋Stanley嗰啲度，對比實在太大，自己都接受唔到。」結果他狂運動之餘，亦要瘋狂喪食來增磅，「我本身好驚食肥膩嘢，又唔係好食肉嘅人，但係我都迫自己，乜都要食，拍之前我係得50kg左右，拍嗰時有成62、63kg，𠵱家回落返少少，有刻意keep落去，因為會拍電影版，以免到時又要咁辛苦谷上去。」

 

經過一番努力，Martin（左一）拍埋Stanley（右四）身邊都不再變奀仔了。
經過一番努力，Martin（左一）拍埋Stanley（右四）身邊都不再變奀仔了。

 

2020年，Martin拍攝電影《熱血合唱團》跟劉德華合作。
2020年，Martin拍攝電影《熱血合唱團》跟劉德華合作。

 

星島新聞集團慶回歸25周年專題網站，請即瀏覽

立即下載 | 全新《星島頭條》APP https://bit.ly/3yLrgYZ