「第四十屆香港電影金像獎」圓滿落幕，三間電影公司為他們有份角逐獎項的電影包括《梅艷芳》、《媽媽的神奇小子》、《一秒拳王》和《濁水漂流》舉行慶功宴，古天樂、出爐男女配角馮皓揚、廖子妤，最佳新演員王丹妮、奪得「最佳原創電影歌曲」的周國賢及ToNick等都有到場。
17歲的馮皓揚以新人之姿擊敗古天樂和謝君豪等影帝級人馬，憑《媽媽的神奇小子》勇奪「最佳男配角」，他晚上到尖沙咀出席慶功宴，馮媽媽都有陪同現身，更齊齊與古天樂合照，馮皓揚笑說：「古生恭喜我得獎，我也乘機擦鞋話等睇他套《明日戰記》，他好似未來戰士。（會唔會簽埋入佢公司？）無討論過這個問題，我現在無簽公司，之前在學校都是訓練小朋友咬字發音，但不是因為要做演員，媽咪想我發音好啲，無想過會踏上演員呢條路。（如果要在這行發展都要簽公司？）我對這行認識不多，我當初只是個想做好戲的傻仔，唔好聽喺傻仔，好聽喺我有盡演員的本份，又有好多人幫我，特別是多謝蘇樺偉和蘇媽，他們的故事很熱血，所以導演等咗咁耐都要拍。」
馮皓揚(中)。
「第四十屆香港電影金像獎」圓滿落幕。
至於可希望與古天樂合作呢？他指和誰都希望合作，古天樂是電影大亨，他由《嚦咕嚦咕新年財》時已很喜歡對方，作為新人當然想和他合作，又說現在有拍攝微電影的工作，但未能在戲院放映讓觀眾欣賞，希望之後有機會拍攝院線電影。
星島新聞集團慶回歸25周年專題網站，請即瀏覽
立即下載｜全新《星島頭條》APP：https://bit.ly/3yLrgYZ
