近年專注於內地發展的李力持，去年移居到中山生活，不時都大讚內地生活幾咁好，而日前他接受廣州電台訪問，再次讚吓內地生活真係好好！李力持表示：「我諗而家喺內地嚟講，嗰個生活嘅幸福感係好強，我仲希望喺香港嘅朋友睇到我嘅分享，真係可以等通關嗰陣上嚟望吓囉！」
李力持（右）前年在珠海設立工作室，發展得好好。
李力持受訪談及移居到中山生活的感受。
多年來不時到世界各地旅遊的李力持，2013年曾於微博晒出到英國紐卡素探女兒時的遊玩照，又大讚當地有藍天白雲，靚到嘩嘩聲。不過事隔多年，李力持似乎已有另一番體會，談到近年不少港人移民英國，李力持表示難以想像英國地鐵無冷氣，「乜咁落後，我哋覺得地鐵有冷氣係好理所當然。」更分享在廣州坐地鐵的經驗，大嘆真係好正！他表示之前由香港搭高鐵返廣州轉地鐵好方便，「我都唔知幾Enjoy！我初初坐高鐵，唔覺得係高鐵，我覺得係時光機。」另外又提到最近買咗部新能源汽車，有網上地圖加上大灣區發展得很好的高速公路，去邊都唔怕，更指內地的新能源汽車選擇多，而且使費好平，令他感到好幸福。加上內地住屋租金好平，稱幾千蚊香港租劏房的價錢，在內地非市中心位置已經夠租豪宅。
李力持2013年到英國探女兼旅遊，當時Po咗唔少照片睇嚟好鍾意英國，不過而家他對英國又有另一番見解。
英國地鐵無冷氣，李力持都驚訝表示：「乜咁落後。」
而李力持都鼓勵港星到中山定居，指本身在中山有物業的吳國敬都將到中山生活，而吳啟華亦將到中山定居，更大讚內地人對香港人好友善，喺大灣區又睇到TVB，好處多多。
李力持現居中山，他透露有不少港星都將到中山定居。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
