台灣女星徐熙媛(大S)與新婚韓籍老公具俊曄愛得甜蜜,最近二人更頻頻約好友聚會,流出不少溫馨新相。至於大S的前夫汪小菲與緋聞女友張穎穎一樣好高調,離婚後多次出遊,又各自貼出相似的生活相打卡,雖然未有承認戀人關係,但單睇照片都知發生緊乜事。日前網上又流出一張二人的正面相,今次拖晒手的合照可謂「證據確鑿」,唔知汪小菲阿媽張蘭又點睇呢?

內地網民在重慶遇到汪小菲及張穎穎。

二人似是拍拖出遊。

有指汪小菲呢張拖手相,在朋友圈上載5分鐘就刪除。
二人穿上黑色「情侶裝」襯白波鞋十指緊扣,企定定望住鏡頭展露幸福甜笑,照片如果不是P圖,好大機會是由二人自己公開。早前曾「狙擊」汪小菲的台灣資深狗仔葛斯齊,為呢張相又有嘢講:「那照片是在周二(26日)時,汪小菲自己發朋友圈,不到5分鐘又撤掉,照片本身不是重點,重點是照片附加的文字。」但他沒有公開文字內容,再吊大眾癮。

汪小菲之前去野餐,張穎穎都有貼出極度近似的照片。

汪小菲阿媽張蘭有乜睇法?

大S與新婚老公具俊曄過得好甜蜜。
星島新聞集團慶回歸25周年專題網站,請即瀏覽
立即下載 | 全新《星島頭條》APP : https://bit.ly/3yLrgYZ