羅家英與趙曾學韞今日到尖沙咀出席電影《紅伶宴》欣賞會，汪明荃（阿姐）更專誠前來捧場。家英哥指，因為鮮浪潮電影少有粵劇題材，加上拍攝時撞正疫情，估當時只收車馬費拍攝。
家英哥指本相約阿姐去看MIRROR第一場演唱會，但最後因工作而錯過，不過呂爵安（Edan)已安排他觀看第六場。提到演唱會上的嚴重事故，事後家英哥亦有與Edan聯絡，問到Edan 如何回覆？家英說：「佢都好驚，好失落。」問到Edan現時的心情，家英哥説：「我同佢文字溝通，覺得佢唔開心，心情當然有影響，佢表演鋼琴嗰part咁好，好受歡迎。」
墮屏意外後，家英哥曾與Edan文字溝通。
Edan原本安排家英哥睇第6場MIRROR 演唱會。
Edan 的鋼琴表演獲讚，而意外發生時，Edan亦在舞台上難免受驚。
家英哥指做演員要經過好多風浪，今次事件亦是一個警惕。
至於是否有建議給Edan？他說：「呢個係經驗，做演員要經過好多風浪，今次係警惕，唔好似後生就衝動、太興奮，做一啲危險嘅嘢，要累積好多經驗，要小心，做唔到唔好夾硬做啲危險事情，要為自己安全着想。同埋有啲人當你啲演員係雜技者，萬能嘅，做埋啲危險動作，唔好制呀，要考慮清楚。」家英哥指今次真的是意外，但幸好屏幕不是尖角插在舞蹈員身上，他亦希望經過良好的醫學治療後，能將阿Mo（李啟言）傷重減到最輕：「希望神經線自己修復，若干年後會痊癒，當然會有後遺，但冇辦法，呢個係人生一個劫，人生係無常，曾江係無常，但後生都有無常。」
阿姐專誠前來捧場。
電影《紅伶宴》欣賞會。
趙曾學韞
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
