湯鎮業的孖仔湯君慈（ Bruce）和湯君耀（Chris），最近以兄弟檔參與踩單車活動；為血友病病人打氣，兩人今日出席相關活動的閉幕禮，公布是次踩單車活動累積時數與里數的成績分別為1,749小時及38,460 公里，大會邀請小病友梁恩陶踩單車進場揭幕，而Bruce和Chris也一同踩單車現身。
兩兄弟表示從小到大；讀書到做運動都在一起，但過往8個月卻要分開踩單車，事關Bruce嫌自己膚色太白要在戶外踩，但Chris卻怕曬黑堅持在室內。二人又坦言今次還趁機鬥一番，Bruce爆料指：「只限最初嗰幾個星期，好快Chris就放棄咗。」Chris直認兼還擊：「Bruce快過我差唔多1倍，佢根本係運動狂，好享受爆汗嘅感覺。」不過兩兄弟亦意見一致指對今次的成績感滿意，加上寓運動於行善相當有意義，人也更加精神和健康，因此未來也會繼續踩單車。
兩人以兄弟檔一同為血友病患者打氣。
今日出席打氣活動的閉幕儀式。
左邊短髮的是Bruce、頭髮較長的是Chris，真係好似樣。
談到工作，Bruce及Chris表示現專注合力經營的凍肉店生意，因夏天的銷售狀況不及冬天，所以這段時間要加把勁、及多投放精神在宣傳方面。宣傳方面是否意見一致？Chris即搶說：「都係㗎，但通常都係聽我話，所以冇乜分歧。」此外，正努力學功夫進軍動作演員的Bruce透露近期大多練泰拳及踢腿，笑問有否踢過細佬？Bruce謂：「咁大個仔唔會打交啦！」Chris附和：「君子動口不動手。」
兩人都愛踩單車，但Bruce（右）卻不怕曬黑偏愛在戶外踩，Chris則剛好相反。
除了演藝工作，兩人亦忙於打理凍肉生意。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
