3號風球現正生效，大風又有雷雨，不少市民都急急腳，避免留在戶外。不過郭可盈今日（9日）就於IG分享與女兒Tania在尖沙嘴海旁的影片，打緊風都無損兩母女心情，仲舉晒V字咁影相，郭可盈留言表示：「3號風球中，希望不用掛8號風啦！」之後又行返入有瓦遮頭的地方，睇多陣雨景就上車走人。有網民睇到都提醒二人要小心，始終打緊風行太近海邊都有風險。另外亦有網民指，郭可盈的12歲愛女大咗好多，就快高過媽媽，感嘆時間過得好快呀！
3號風球現正生效，大風大雨都阻唔到郭可盈出街。
郭可盈影相都要撳住頂帽。
郭可盈話希望唔好打8號波。
阿女都要影吓有幾大風。
好快就上返車，網民唔使擔心。
郭可盈與林文龍的愛女已經12歲。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
