陳詩欣著SM Feel泳衣晒34C白滑Body 首去曼谷曬太陽富貴老公失控狂影

曾拍攝《3日2夜》的「一件頭女神」陳詩欣（Eunice）去年下嫁鍾培生老友陳爾正（Joshua）後，生活愈嚟愈富貴，周身頂級名牌又入住山頂豪宅，由電視台四線姐仔搖身一變成為闊太。

陳詩欣去年下嫁圈外男友陳爾正（Joshua）。

因為疫情，新婚近10個月的Eunice仲未同老公度蜜月，尋日兩公婆終於出發到曼谷旅行，除了泰國不用隔離，香港又實行隔離新政策「3+4」，減低隔離之苦。Eunice上載香港機場準備出發的照片，她表示對上一次出埠已經是2019年去台灣拍攝《學是學非》，而今次曼谷之旅絕對不是度蜜月，是陳氏夫婦婚後第一個旅行，加上首次去曼谷，所以Eunice 笑言心情好似「小學雞」去旅行一樣興奮至失眠。

久未搭飛機，陳詩欣好興奮。

闊太續說：「這次旅行大概在三個星期前決定，加上我老公好忙，所以好多行程上都係我計劃，我還開咗個group得我同我老公，Ps.非常建議大家這樣做，因為旅遊政策資料好多又變得好快」，最後更跪求老公批准她吃榴槤。

到埗後，闊太即地氈式拍攝超大間的酒店房，可見張牀好大，房好大，浴室都有兩個，一個有圓形浴缸，一個係花灑房，仲有小露台可以居高臨下望靚景，翻查資料，房間一晚約4000港元，但經酒店網訂就平一半。重點係酒店頂樓嘅無邊際泳池，闊太急不及待換上好有SM Feel嘅黑色一件頭泳衣曬太陽，擁34C上圍嘅闊太好Enjoy，黑色泳衣配白滑Body加靚腳，難怪佢話老公同佢影咗成千張相啦。