港媽投訴菲傭講唔正英文要求學英式標準發音網民7字回應KO樓主

近日有港媽在社交平台發文，投訴家中的菲傭姐姐英文發音不準確，擔心影響小朋友成長，更指已要求姐姐學習英式標準發音，帖文引起網民熱烈討論。

一名港媽今日(12日)在臉書群組「香港僱主討論區」留言指：「唉，菲傭成日講埋啲唔準英文，例如講左好多次triangl, circle, Google, eagle，佢都係堅持讀成：triangill , cirkill。唔信我都聽下點讀啦，繼續佢有佢講socks,會讀成sas，oval讀成ova，同佢講就黑面，開埋Google畀佢聽都唔信，比佢睇埋英文拼音佢即刻黑晒面。」

該名港媽又指，菲傭姐姐聽罷不但不改善，更直言「佢哋不嬲都咁讀」，她指「我請佢學吓咩係英式標準發音，屋企有小朋友，唔想影響到小朋友，有冇工人都係咁㗎？」雖然這位港媽留言怒氣沖沖，但似乎大部份網民都認為她要求過高，直言「你請緊補習老師咩？」，更有人以7字回應「唔係唔準，係口音」獲得不少網民讚好。