師傅七都識唱笑會丨七仙羽開騷為普渡嫖客嫌艾粒送胸圍太細轉贈觀眾

七仙羽（七師傅）昨晚（10日）在九展舉行一連兩場《師傅七都識唱笑會》，「下一世老公」張敬軒有送上花籃祝賀。七師傅在騷中以多個造型現身，包括唐七藏、譚仔阿姐及觀音Look等，更在台上教大家打癲狗拳趕走負能量。

身穿白色套裝的七師傅甫開埸便與4個女Dancers狂跳，雖然七師傅扭得落力，但動作還是頗生硬，之後她在台上用了5秒時間換上藍色印度裙跳唱《舞孃》。一輪勁歌熱舞後，七師傅笑指自己沒有排舞，又解釋今次開騷，主要是為了普渡現場的嫖客。之後她與徒弟郭奕芯以校服Look出場，組成超齡版Twins唱出《女校男生》。

七仙羽教打癲狗拳趕走負能量。

七師傅以觀音造型為大家灑聖水加持，龐景峰仲除衫騷肌。

七師傅扭身跳舞，但動作較生硬。

同徒弟郭奕芯以校服look出場，組成超齡版Twins唱出《女校男生》。

七師傅以「青頭仔」介紹嘉賓艾粒出場，更表示要用兩個男人在鬼節中幫大家壯陽，不過講完後才發現用錯字眼。當她送上親手做的能量塔給艾粒後，兩人就笑指因Tyson Yoshi早前開騷時有人拋Bra上台，故特別揀了一個粉紅色胸圍及巨型底褲給七師傅，不過七師傅當得知胸圍是32寸後就嫌棄地說：「緊係唔啱，送畀觀眾啦！」

呢個Size，師傅嫌細。

艾粒仲送埋加大碼底褲。

睇中手上戒指嚇窒欣宜

到鄭欣宜出場時，七師傅先跟對方合唱《女神》，之後又送上能量塔祝欣宜要乜有乜，而欣宜就將一個當年拍《女神》MV時，演員送給她的皇冠轉贈給七師傅，她説：「你帶好多歡笑同幸運畀大家，你係我心目中女神。」不過，七師傅接禮物時就大讚欣宜的戒指，搞到欣宜嚇一跳説：「呢隻戒指唔可以送畀你，係贊助。」

七師傅之後換上功夫衫，她指平日是靠練癲狗拳將所有負能量排走，更即場教觀眾練拳：「嘴要念『P』、腳要擺成『K』字型，舉起雙手（伸出中指）然後講『發』。」她指以前的自己經常被睇唔起，而因為寂寂無名，故常被人拒絕：「創作啲歌冇人要，話只可做槍手，又畀人鬧同整蠱，經歷好多風雨，唔係突然成功，我憑我知識成功，針灸、加持又識。」到尾聲時，七師傅就以觀音造型上台為大家灑聖水加持，Encore時，七師傅與嘉賓再度出埸唱出《係咁先啦》，不過就唱到甩甩漏漏。