古天樂監製及領銜主演的香港首部科幻電影《明日戰記》，主演的還有劉青雲、劉嘉玲等，即將在本月25日上映。古仔為這部電影可以說是「瞓身」宣傳，包括把《明日》當作「產品」一樣拍了三款「不一樣」的廣告，並特意朱鑑然及胡子彤一同演出，他說：「通常電影嘅廣告都係一嚟就去預告片，我想件事好玩啲，開心啲，香港電影史上好少做甚至乎冇做過嘅宣傳。」
為本片創作配樂的陳光榮同時為《明》撰寫主題曲《明日之明日》，找來ANSONBEAN （陳毅燊）及COLLAR成員Winka（陳泳伽）合唱，而 MV已經推出。
ANSONBEAN當初知道獲邀為《明》主唱主題曲，坦言感到榮幸及緊張，因為歌曲有不少高音，對他來說很有挑戰性，而為了有最佳表現， ANSONBEAN在錄音前盡力練習，更與陳光榮緊密溝通，把練習的demo都傳給監製聽，希望改善不足之處，難怪被陳光榮稱讚勤力又認真。
而當Winka第一次收到主題曲demo時，她回想當時心情：「我平時收到新歌會先了解係咩曲風及種類，然後就會做功課，特別聽多啲同類型嘅歌，但係呢首歌好特別，定義唔到係邊一類。所以我錄音之前將首歌聽咗好多次，因為呢首歌嘅情感拿捏得要好好，唔係唱得有型就可以，唔可以用單一嘅情緒去唱。不過監製陳光榮俾咗好大信心同埋自由度畀我，又同我試咗好多種唔同唱法，最後唱出依家呢個比較迷幻感覺重嘅效果。」
Winka又表示當中一句歌詞最令她深刻，她謂：「嗰一句『絕望下結集同路 原來能逆風去』，令我感覺到就算有時面對逆景，只要大家有相同信念，結集大家嘅力量，事情就有可能做到。就好似我同COLLAR咁，大家喺呢個階段要經歷唔同嘅挑戰，只要我哋咬緊牙關，就可以一齊度過。」
立即下載 | 全新《星島頭條》APP : https://bit.ly/3yLrgYZ
