東南亞國家涉嫌販賣人口的新聞近日引起熱議，有逃脫港人L先生受騙到當地「上班」，近日終成功由緬甸回港。他接受無綫節目《東張西望》訪問時，親述園區如人間煉獄，以及逃脫回港過程。
L先生早前被朋友誘騙去緬甸工作，現已成功逃脫回港，正在酒店接受隔離，他接受《東張西望》訪問講述當時恐怖經過。他指，園區至少有20間公司，包含了色情、網上詐騙、賭博等不同業務。被「賣豬仔」的人主要工作是經Whatsapp、IG、Telegram等通訊軟件，偽冒身分自稱是成功人士等進行詐騙。
L先生指，自己工作僅一個多星期，期間要學習虛擬貨幣，但他不想從事騙人的工作，對方則指，「佢話好啦，總之你傾到客，差唔多成熟就交畀我哋同事」。L先生形容在園區工作的人只是一件貨物，一旦沒有用處，便會被賣到另一個園區，「如果你幾個月都冇業績，另一個園區就會賣咗你，嗰筆錢（贖金）就會由10萬變20萬，到第三個園區就變30萬」。
L先生透露，園區守衛深嚴，宿舍環境亦十分惡劣，雖然膳食會包三餐，有飯堂，飯菜是免費，但食物質素十分差，猶如人間煉獄。他亦曾聽聞園區內有浸水牢懲罰，「打人就未見過，但係水牢就聽過，有啲人犯咗事，佢哋就會交畀軍人，軍人就會送你去浸水牢，喺黑房入面唔畀你着衫困喺入面，唔畀飯你食」。
稱自己因年較大且有患病，園區認為他已沒有利用價值，經商議後表明只需付6萬泰銖（約$1.3萬港元）便可以離開。L先生拜託泰國朋友籌錢後，終於在7月離開，迎來重見天日的日子。他憶述當時逃生的經過，「領導帶我去河邊，河邊有隻船，嗰條河有軍隊，有槍，你一跳河游過去就會射你。我就上咗隻船過對面，對面有7人車送我去美索，去到美索好似兩個世界咁，我哋開心到大嗌終於返到泰國啦」！抵達泰國後，L先生立即聯絡到香港入境處，再安排回港。
立即下載｜全新《星島頭條》APP：https://bit.ly/3yLrgYZ
