港超聯開鑼首兩天，吸引不少球迷入場睇波。
第九屆港超聯終於開鑼，首兩日吸引四千八百二十七人入座、四千四百一十四人購票、門票收入十七萬一千二百四十元。餓波球迷熱情十足，足總及賽會擬趁熱成立「球迷意見智囊團」廣收「好橋」救市。
三場賽事，冠忠南區主場對香港U23有八百六十四人，旺角場有二千四百四十八人入場看東方龍獅對和富大埔，爭標球隊理文在將軍澳鬥標準流浪吸引到一千五百一十五人。首三場平均入座數字有一千六百零九人，約一千四百七十一人購票，每場收入平均五萬七千零八十元。
球迷餓波七個月，加上港隊戰績刺激，令到球迷較有興趣入場。港隊主帥安達臣及教練團每場揀最佳球員，獎項款式抄足英超，開鑼日東方鬥大埔派發海報印有球迷及教練相貌，種種細節都在重新建造本地波。
打鐵趁熱，足總及聯賽會不妨成立「球迷意見智囊團」，嘗試去蕪存菁尋找好橋刺激球市。在此先獻一計，不妨將其中一個比賽日變成Cosplay派對，讓球迷穿起舊球衣扮演球星入場，又或者以各項動漫造型入場睇波，然後選出十位有趣球迷派發獎品及訪問。讓球迷視睇波為周末日派對，營造到氣氛兼聚人，商戶自然上門合作。吳家祺
立即下載 | 全新《星島頭條》APP : https://bit.ly/3yLrgYZ
