太子一間壽司店近日在社交平台發帖指，一名少女前日（8月30日）到店內光顧後，稱無帶錢需外出「撳機攞錢」，誰料一去不返，店家事後幽默發帖尋人：「......依家都未返嚟，我哋擔心你出咗事呀......你係咪俾人捉咗去柬埔寨呀，安全嘅話，就返嚟報個平安同賣埋張單啦。」
店家發文表示，指該少女指身上無錢，於是向鄰枱客人借現金，並表示會即時用轉數快過數給對方，但當時未能成功，因此對方拒絕借款。之後少女向店家表示可以留下電話號碼，當時即時出外「撳機攞錢」。
香港突發事故報料區(新版)FB圖片
少女離店後便一直未返，店家昨日發帖尋人，至今已有兩日未有消息，店家在帖文中表示：「出去撳機攞錢到依家都未返嚟，我哋擔心你出咗事呀......安全嘅話，就返嚟報個平安同賣埋張單啦，兩日內唔見，我哋唯有報警處理啦。」
香港突發事故報料區(新版)FB圖片
網民均批評少女公然食「霸王餐」：「對呢D人真無語，睇到佢咁正常，估吾到做D咁低俗嘅事，真吾知去生存有咩意義，騙來騙去。」「好心啦，後生女，有手有腳，仲成身有肉，一睇就唔係貧窮户啦！」「冇帶錢仲入去食嘢？」
不少網民則對於店家幽默的尋人方法大表讚賞：「可能佢唔記得返嚟，邊區㗎，轉發尋人啦。」「可能蕩失路呢。」
來源：香港突發事故報料區(新版)FB
立即下載｜全新《星島頭條》APP：https://bit.ly/3yLrgYZ
