林盛斌（Bob）一向以搞笑形象示人，經常笑口常開「笑到四萬咁口」。不過，日前他換身份證，拍證件照就因為笑得太燦爛，令入境處職員好頭痕。今日Bob於IG分享身份證上的照片，留言分享：「本身有幾張我笑得仲誇啲嘅，不過負責影相嗰個職員話『林生，其實呢張都已經好抆㗎啦！』」又向入境處自薦拍下一輯換領身份證的廣告。
帖文一出，不少網民留言讚好，陳煒更留言讚張相影得好靚，陳山聰則指：「入境處應該下一個唔俾你入境。」有網民表示從來不知道拍證件照可以笑到露齒，「又話唔可以笑到咁嘅」、「你每次過關都要笑到咁先過到」、「點解你可以露齒笑」、「可以笑到咁嘅咩」。
Bob連影身份證都笑得咁燦爛。
Bob平時出活動一見鏡頭就會笑得好開心。
見到美食都好開心。
享受家庭樂又好開心。
Bob表示試影證件相時，有幾張笑得仲誇啲。
網民都覺得好搞笑。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
