政府昨（26日）起實施新入境檢疫政策至「0+3」，餐飲業界日前發出聯署聲明指憂慮「0+3」將令港人外出旅遊消費，加劇本地結業潮及裁員潮。稻苗飲食專業學會主席徐汶緯表示，業界認為新政策與疫苗通行證下降至5歲以上小童，將會進一步打擊餐飲業界生意，業界正研究為有關群體推出外賣優惠以吸客。
「疫苗通行證」將於本月底降至5歲小童，徐汶緯今早在電台節目中指出，首半年或有不少小童未打齊針或未打針，家長可能想先觀察其他小童打針後的情況，才決定是否帶子女打針，全家人或會為遷就無「疫苗通行證」的子女已放棄外出用膳，尤其是上學前的早餐和下課後的午餐。
他指業界曾討論就兒童疫苗通行證和旅客「0+3」推出外賣優惠：「小朋友接種疫苗個情況，都會諗下啲套餐畀佢哋，譬如快啲，剩係做外賣輕便啲，0+3我哋可能剩係套餐畀佢哋拎到酒店，咁但係呢個都係好初步階段，希望最終可以0+0，減低不必嘅防疫政策，令到市民又方便咗，做生意又好咗。」他又希望政府同步放寬其他營業限制，如8人一枱放寬至10人一枱、取消宴會人數上限，以及在凌晨12時後的營業限制。
他促請政府盡快追上國際社會的步伐，取消不必要的防疫限制，包括將旅客檢疫措施放寬至「0+0」，亦即取消三天的醫學監察，不合時宜的「安心出行」和量體溫等防疫措施亦應取消，令社會盡快走回復常之路。
不過，徐汶緯仍認為「疫苗通行證」需堅持使用：「畢竟疫苗對防止呢個疫情有好大幫助，同埋減少傷亡數字，如果冇咗疫苗護照，我哋睇唔到啲食客究竟有冇打針，或者有冇打齊三針，呢啲會令到疫情反彈，同埋我哋啲工作唔可以躺平，同埋一啲要維護住香港社會嘅衞生。」
有指港府最快今日公布，可讓家長在「安心出行」儲存子女的疫苗通行證，徐汶緯表示，每次政府在餐飲食肆或表列處所更新防疫措施時，都會出現混亂情況，今次情況會變得更複雜：「小朋友針卡要跟住父母，可能同同學去或者同親戚朋友去，咁係咪要帶埋媽咪同爸爸嘅手機呢？咁呢個位都要落到地執行嘅時候慢慢研究，咁我相信係可以解決到。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
