由葉念琛監製、編劇及導演的無綫 55 周年台慶劇《美麗戰場》於周一（2 日）首播，在昨晚播出的第三集，蔣家旻的戲份相當搶戲，先被陳嘉輝強吻，接着又被人連摑兩把，可謂大快人心，網民更笑指蔣家旻很可能繼承「兜巴信」王浩信的稱號。
【點擊蔣家旻被摑精彩畫面】：
故事最初是陳嘉輝為了滿足蔣家旻的貪婪慾望而收黑錢，最後搞到被廉署緝捕，本來陳嘉輝想帶蔣家旻逃走，點知被她出賣，情急下持刀脅持陳瀅與誘蔣家旻，仲打算對蔣家旻先姦後殺，接着便狂嘴她近一分鐘，四肢被綁的她無力反抗任憑陳嘉輝魚肉，幸得陳瀅鋸斷繩索並及時相救，才沒有發生憾事。
被救出後，陳瀅和蔣家旻去醫院檢查傷勢，劉佩玥的哥哥發現原來媽媽的在手鈪被蔣家旻偷去，一怒之下怒摑蔣家旻，這一巴打下去看得觀眾大快人心。被打後的蔣家旻無癮離開，楊卓娜追上次前大罵她送賊贓搞到她好無面，二人爭吵一輪後，楊卓娜氣不過來便激動地怒摑她，連食二巴掌的蔣家旻成為今集的高潮位！
蔣家旻亦有在社交平台發文，笑言這兩巴掌真的大快人心：「短短3日，我收到好多msg，仲有留言，係啊！我（琪琪）真係又賤又變態又PK，呢兩巴我唔會就咁算！！唔報仇就唔係鍾家琪！！琪琪咩都唔怕！！最怕係窮！！害死馬sir小兒科啦！沒有最賤 只有更賤，聽晚行動升級，記得繼續支持！」接着她又分享當晚拍攝這場醫院戲份的難忘事：「醫院嗰兩場戲，真係嗌交嗌到聲沙！每一場大龍鳳之後，收工成個人都虛脫，唔想講野，真係場場出盡力，由每一個細胞內臟釋放出來，然後懷疑人生，到底我以前拍劇係咪無出力？呢個極端嘅角色，真係比到好大滿足感我，求求你哋唔好鬧我，要鬧就鬧葉念琛，佢喺真正嘅靈魂人物，冇佢寫嘅精彩對白，就唔會有一個咁賤格咁無人性嘅鍾家琪出現。」監製葉念琛亦表示蔣家旻兩場被掌摑戲都是「打真軍」：「冇借位嘅，摑係真摑，錫係真係錫落去，來來回回都畀人摑咗五、六次。」
【相關閱讀】
美麗戰場丨蔣家旻姣爆陰險角色睇到觀眾「嬲到震」 網民期待賤招繼續登場
美麗戰場丨TVB上位花旦齊集性感鬥搶鏡 齊蔭陳瀅蔣家旻關嘉敏著Bra上陣谷到盡
《美麗戰場》首集陳瀅短裙晒腿兼谷胸 港姐陳曉華素顏上陣搶晒fo
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
