我其實好怕熱，又驚無電
今日無落雨，但係熱到飛起，我忽然感到清涼，咦，你有中暑現象呀？暈暈地乎。非也，我忽然覺得好幸福。 夏天晏晝好熱係香港常態，作為土生土長香港人，無理由怕熱。「安仔，你都無穿西裝打呔啦，仲有腳踏休閒鞋，成個明星咁款，都呻熱，你不如移民好過。」是日又係四個老友去飲茶，我入到茶樓成個人爽晒，因為冷氣充足。「世侄，呢度係中環，供電正常，你唔使擔驚受怕，唔會無燈無冷氣。」張翁今日好醒神，一身運動裝，係囉，老闆階層唔使點做，話唔定飲完茶去西貢打高爾夫球，又或成班有錢朋友遊船河。 「辰哥，你早排去咗元朗酒店Staycation咩，撞正大停電，所以有感而發，係咪呢？」我食緊鴨腳扎，所以唔得閒應佢，容乜易哽親。大師兄見我無反應，於是搵嘢講︰「我阿爸以前返工，由於喺尖沙嘴打寫字樓工，所以日日都要成套老西，夏天時節我做小學雞，一身短衫短褲，但見阿爸如此辛苦，我好感動，返學校作文寫我的爸爸，提到爸爸着住西裝搵食好偉大，點知畀老師批評一頓，話我九唔搭八。」 原來大師兄咁鍾意話人九唔搭八，原來係有創傷歷史，明晒。「當年要讚爸爸偉大一般係好口號式，好教條化，你阿爸着西裝返工喺當年可能是代表一種階級優越，事關做白領係筍工，如果你話阿爸牛記笠記去荃灣工廠返工，日日做足十個鐘，全廠無冷氣，咁就真係偉大。」係囉，大師兄，你真係九唔搭八，仲要喺細細個都已經如是。不過，我無講出口，繼續食我嘅鴨掌。 張翁又講︰「當年中環個個都着到好標準，事關我後生之年，係英國人幾輝煌年代，中環之達官貴人大商家，全部都百分百英倫打扮，做紳士要抵得熱，仲要扮到神色自若，我伯爺就好在意我打扮，同時又要練好啲英文，總之要做到成個英國人咁。」 不過，話時話，如果你好有型又好有權威，身穿長衫更加巴閉，例如當年何東爵士就是如此中國式打扮，其他跟佢一樣風格的中國人，亦係德高望重之輩。「當然，那些年中環更多人係穿唐裝，即係李小龍唐山大兄之打扮，呢班瀟灑哥主要唔係中環銀行區出入，全部集中在中上環三角碼頭。」我幾乎畀張翁呢一句哽親，都係食燒賣、山竹牛肉。 「不如叫個荷葉飯啦，咁熱天時，食下點心都夠啦。」無問題，我之所以覺得香港好幸福而唔係辛苦，原因係有位中環老友，要調去德國總公司幾個月，由於德國同佢老表俄羅斯唔妥，今個冬天可能無Gas。「嘩，係好大鑊，德國早排話擔心呢個冬天好難過，一早叫國民着多幾件冷衫，又話少啲用電，聽講煲水最好燒柴。」 銀行偉補充，除德國好愁外，成個歐洲都騰晒雞。「你唔好以為依家炎炎夏天，大家享受陽光與海灘，歐洲已經為即將來臨之冬天愁。」我其實想講，有位世侄最近喺英國返港過暑假，講到房東下令唔好開空調，搞到鬼咁熱，好唔習慣。「我忽然想像香港如果好似大英帝國咁，唔夠電點算？老闆唔開空調又要大家唔好Work from home，一齊在Office搖扇子開工，我暈喇。」 我同大家講，幸福不是必然，所以日子過得好要識得感恩，如果我身在歐洲，除咗好似有人話，呢度空氣係自由啲之外，其餘乏善可陳，我不如留喺香港歎冷氣，與此同時，香港冬天唔使開暖氣，大家打邊爐足夠驅寒。「張翁，上世紀八十年代，我同大師兄喺鄉下讀大學之時，好多人計畫移民，不過當時有個廣告為移民風作反宣傳，廣告係話，香港乜嘢都有，我點捨得走。」 「世侄，我身同感受，幾十年前好多人都去美加移民，落籍當地買個保險，又返香港生活，其實都係兜兜轉轉，如果你家有恆產唔使做，無問題，過去買下樓，玩幾年你依然好有錢，如果有銀行經理你唔做，去美加做基層工人，咁就好唔抵。」 大家不如食荷葉飯啦，唔好講咁多，更加唔好講以前，食完飯，一人一客杏仁糖水，咁就Very good。「安仔，你會唔會去英國？」大師兄，你都九唔搭八，問啲咁奇怪嘅嘢，我年尾準備返大灣區考察，睇啱就買個千呎單位等退休。好啦，叫糖水。
風濕｜雨季風球陸續有來 調節濕度溫差 逆轉風濕骨痛命運
型格中菜 葷素美饌
小百科暢銷全球 最佳童書打開智慧心窗
有營廚房｜夏天酷熱容易口乾出汗 中醫師教整消暑利尿菜式
羅啟銳離世｜中環街市微縮展第二波 現羅啟銳《秋天的童話》經典場景
Slam Dunk電影版海報流出 製作人暗示有全新劇情 官方週四有更多公報
智能電視 │Panasonic全新LX系列4K LED TV 一機滿足煲劇睇戲打機
羅啟銳｜《歲月神偷》X《秋天的童話》 必讀電影金句
CAZ實盤分析│齊料日版 Mazda RX-8停產十周年 轉子跑車平民價入手
木製耳機｜威士忌酒桶造耳機 音色原來關木材密度事
新店優惠｜「不要對我尖叫」殺入將軍澳 愛文芒果手搖特飲免費升級
時令搵食 | 夏日果王當造 精選榴槤小食甜品 直送優質榴槤炮製
荔枝當造｜荔枝易上火及改變血糖 糖尿病患者留意安全食法
咖啡新手｜認識咖啡三大種類 推介三間高質咖啡專門店
秋天的童話 | 羅啟銳筆下的船頭尺與十三妹 古董Omega情物曾掀搜表熱
日本開關｜北海道二世古最新大激玩 日本最長2,591米Zipline索道
落雨駕駛安全｜擋風玻璃視線模糊 可能因玻璃油膜事
人氣日系手遊｜怪物彈珠新作幽魂亂戰7月中日本上架 無人機空投救隊友
體味科學｜研究指「氣味相投」有根據 體味越似越可能成好友
再見倪匡｜衛斯理一名有段古？才子原來是貝殼專家
渡假必選｜最新四季酒店坐落遊艇之都 歎盡觀景泳池
米珠蓮｜文華東方聯乘瑞士美肌品牌 獨家限定下午茶 兼送體驗套裝
酒店下午茶 | 香港文華東方酒店聯乘貴婦護膚品牌 推出XOVĒ白松露夏日下午茶
新車消息｜2024年登場 Polestar5原型車英國現身 884匹電動GT轎跑
星座運程｜水瓶座社交運程急轉差 加複雜人事關係 宜出去散心
致命疾病｜心臟病皮膚癌 找重點防惡化救命 保健隨筆羅啟銳倪匡
脫髮｜FDA 認證第一隻治療斑禿的口服藥Olumiant
李居明 - 《大赤壁賦》前世今生，戲如人生｜李居明大師會客室
親子活動｜Peppa Pig萌爆互動玩意 夏日放電高科體驗
中大醫健園｜女人之苦 不止於子宮下垂 骨盤底器官脫垂
今夏泳衣時尚｜泳裝新浪潮 大熱復古花俏圖案
潮州菜｜正宗巧手菜 潮州原味道
CAZ商用車｜5噸半新星 Foton Aumark S同級首配 氣壓制動添安全
星座運程｜人馬座金錢運勢不穩定 要做好心理準備 生意交易有損失
輕鬆養生｜照顧心臟天然補品
