【相隔5年!】《飢餓遊戲》前傳電影確定推出!大反派變主角!?

《飢餓遊戲》劇照

雖然疫情持續大家減少睇戲聚集,但這個時候《飢餓遊戲》好大膽,宣佈推出前傳電影《The Ballad of Songbirds and Snakes》,上映日期未落實但鐵定會推出!其實對上一集《飢餓遊戲》電影推出至今都相隔足足5年,相信好多人同小編一樣,都以為系列故事已終結,但鑒於眾多《飢餓遊戲》書迷、影迷的熱烈反應及要求,故今次決定再推出系列前傳!而今次前傳的主角更是將會由大反派總統擔當!?




《飢餓遊戲》劇照

今次《飢餓遊戲》前傳電影製作班底都是原班人馬!電影由導演Francis Lawrence回歸執導,劇本會由原著小說作者Suzanne Collins撰寫分場劇本,再由Michael Arndt修訂成電影劇本。前傳原著小說《The Ballad of Songbirds and Snakes》將於5月份出版,意想不到在前傳還未推出之前,便宣布推出改篇電影!等唔切嘅朋友可以睇小說止止癮先。



《飢餓遊戲》劇照

不過今集前傳有個可惜位,在過往《飢餓遊戲》集數都擔任主角、大家都熟悉的Jennifer Lawrence,今次睇嚟都回歸無望,因為故事時間線將會推前至64年前,聚焦講述當時才18歲的「史諾總統」如何一步步成魔掌權,並建立「施惠國」!雖然無大家見慣的Jennifer Lawrence,但「施惠國」的起源之謎一直都係粉絲們好奇想知的地方,今次終於解開謎底相信都會令唔少《飢餓遊戲》迷相當期待!


hd