【「疫」市優惠】 $38歎米芝蓮一星點心

本地餐廳因疫情影響紛紛急推應變策略,好像位於佐敦的逸東酒店(Eaton HK),除力推75折任食海鮮自助餐外,其米芝蓮一星中菜廳逸東軒還特別在星期一至五的午市,推出逾三十款只賣$38的點心,當中最抵食的是XO醬炒腸粉,原價$98,依家四折有得食啦!

今次逸東軒行政總廚譚棟師傅特別推出的「想點就點」自選點心菜譜,有逾三十款即製的手工點心,均一價每款$38。想品嘗經典滋味,可選晶瑩鮮蝦餃、帶子蒸燒賣、瑤柱帶子菜苗餃 等;愛創新口味的話,有脆皮流沙包、春風得意脆皮拉腸粉!至於如招牌叉燒炮製而成的叉燒拉腸粉和酥皮叉燒焗餐包,供應期由即日至3月31日,只限星期一至五,上午11時至下午3時供應。
 
而在Eaton HK B1樓層的普慶餐廳(The Astor),由即日至3月1日亦推出限時快閃優惠,自助午餐(原價成人$308起)同自助晚餐(原價成人$568起)都有75折!自助餐無限量供應新鮮即開生蠔、波士頓龍蝦、鱈場蟹腳、海蝦、凍蟹及青口等,仲有多款即切刺身,任食海膽、三文魚、吞拿魚、甜蝦和帶子,海鮮迷可大快朵頤!


hd