【唞唞氣!】三間開揚隱世餐廳

抗疫期間大部分時間留在家中,周末、日好應該「解放」一下,搵間空氣流通的隱世餐廳食返餐,減減壓,對身心都很有益!
 
趁天氣好去設有露天座位的餐廳,除低口罩食嘢都放心啲,位於西九文化區藝術公園的Rest Coffee Gin(唞唞),日落前是咖啡店,入夜後是酒吧,咖啡只賣單一產地咖啡豆,以淺至中焙為主,約有十款,選好咖啡可配上輕食在西九草地,望着維港美景慢慢品嘗兼放空。至於晚上六時後,則「變身」Gin吧,可以從近百款嘅Gin酒與不同Tonic自由配搭,另有不時推出限定美食,包括早前曾推羊腩煲,配埋Gin酒,確實有趣!還有新出的三文魚灸燒,將日本Crossover北歐,醃料加了些北歐地區的古老蒸餾酒Aquavit,增添特別香味和酒味!
 
另一間是處於將軍澳海濱長廊的「戀上台式料理」,景觀開揚,同樣有露天座位,主打新派台式食品、飲料和爐端燒,選擇多元化,假日亦會提供午市套餐,價格親民,內裡仲設有寵物專區,可以帶埋愛犬、貓咪一齊去呢!
 
唔一定假期先出去唞氣,無得Home Office,有時放工不如去Happy Hour,飲兩杯鬆一鬆!佐敦的露天酒吧Terrible Baby,今個月推出無限暢飲優惠(每日下午三時至晚上九時),$150兩小時任飲,包括精選葡萄酒、啤酒、烈酒同玫瑰紅酒,收工約埋同事一齊吹水訴苦就最啱!


hd