【逆市開張】半價歎Omakase

「疫」市時期開新店,唔諗Gimmick或推出優惠,真係好難經營落去,你睇,就連一向貴價的Omakase(廚師發辦)都要推出第二位半價的優惠來吸客!

今個月新開的日式料理店「花晨月夕Kuno」,位於尖沙嘴,主營Omakase,由曾於米芝蓮二星日本餐廳及日籍師傅主理,質素有一定保證!午市有12款選擇,價錢比較親民,$188起,而家新開仲有第二位半價優惠,例如叫12件季節特選壽司Omakase Sun($368),兩個人去食,圍起上嚟即大約每人二百七十幾蚊(未計加一),仲抵過去連鎖式嘅壽司店食!

至於晚餐就有三個套餐揀,定價就設喺$880至$1,480,當然份量多好多,而且一次過可以品嘗廚師發辦刺身壽司,同埋多款熟食,好似Omakase月套餐中嘅「三文魚子海膽日式糯米飯」,將日本北海道馬糞海膽焗至甘香,再加入煮酒,形成濃郁海膽醬汁,並搭配用昆布木魚湯浸泡嘅瑤柱;糯米飯就用法國青橄欖油炒香,睇落去成個Risotto咁,係好花功夫又有創意嘅Fusion菜式!


hd