【#可以訂喇!】唔食點叫過端午節?3家必入星級酒店端午節精品粽子和禮盒!

雖然端午節 6 月 25 日先到,不過好多本地食府都引唔住搶閘推出端午節粽喇!小編就搵咗以下幾間本港星級酒店的精品粽子和禮盒,每款端午節粽唔單止用上珍貴食材超豪華,仲好有地道特色,呢幾日就可以開始預訂,準備搶購端午節粽或者買來送禮的話,就要 mark 低以下詳情喇!


香港半島酒店嘉麟樓的精品粽子。

端午節粽推介1/ 原隻 30 頭中東乾鮑裹蒸粽


香港半島酒店嘉麟樓月餅好食就係人都知,大家又知唔知其出品的精品粽子都好正的!今個端午節嘉麟樓好大堆頭出了 4 款精品粽子!其中用必定要試當然是金腿乾鮑裹蒸粽,先講用料調味,糯米先用鮑魚汁調味,再加入原隻 30 頭中東乾鮑、鮑粒等高級靚餡,至於烚煮方面,這款裹蒸糭用上上湯煮熟,唔同平時滾水,所以食落會多咗一道鮮味咸香,貴少少都值得一試!如果想價格相宜少少買來送禮,還可以挑選瑤柱裹蒸粽,或者有齊由香港半島酒店點心部主廚卓嘉政師傅的精心製作的棗蓉荔枝鹼水糭和蓮蓉鹼水糭的金黃鴛鴦鹼水糭禮盒,荔枝紅棗湯補血、荔枝肉香甜,應節又滋補。

 


日期: 5月19日至 6月25日期間可訂購,6月12日至6月25日可換領

地點:香港九龍尖沙咀梳士巴厘道 

售價:金腿乾鮑裹蒸粽$648/每隻

瑤柱蒸$348/粽每隻

金黃鴛鴦鹼水糭 $288/每盒,包括有蓮蓉鹼水糭及棗蓉荔枝鹼水糭各乙隻


(左) 港麗酒店親自操刀精製手工粽。(右)Eaton HK逸東軒推出至尊鮑魚瑤柱裹蒸粽。

端午節粽推介2/ 原隻鮑魚豪華裹蒸粽


疫情下少了出街慳了不少,一年一度買端午節粽不如食豪少少。想食靚端午節粽,不妨試試擁有米芝蓮一星的Eaton HK逸東軒推出的至尊鮑魚瑤柱裹蒸粽,名廚團隊嚴選多款珍貴靚料,包括原隻鮑魚、頂級瑤柱、鹹蛋黃、金華火腿同上等靚冬菇等,樣樣都選用最高質的,故一打開荷葉,餡料香味即刻湧出來。據知名廚團隊大師傅們包種時用心計好綠豆同糯米比例,所以食落有口感又有嚼勁,想到這裡小編都忍不住流口水了。


預訂詳情:

日期:即日起可訂購,6月8日至6月25日可換領(需於兩日前致電預約

地點:香港九龍彌敦道 380號 Eaton HK B2樓

售價:至尊鮑魚瑤柱裹蒸粽 $198/每隻



端午節粽推介3/ 廣東風味手工粽


鍾意廣東風味手工粽的話,小編高度推薦你考慮金葉庭呢 2 款傳統手工糯米粽!荷葉內裹包裹著優質糯米外,仲有原隻瑤柱、油心鴨蛋黃、綠豆及冬菇,而且仲係由香港港麗酒店中菜食府金葉庭主廚尹鐘耀師傅親自操刀精製,所以整隻粽餡料飽滿爆多,但因為有油香同肉汁滋潤住,所以好味之餘絕對唔會得個飽字!


如果鍾意食鹼水粽,仲有一款的的骰骰的迷你蓮蓉鹼水粽,蓮蓉餡軟糯又甜甜地,細細仔當甜品食又唔怕太heavy。


預訂詳情:

日期:5 月 25 日起可訂購,6 月 8 日起可換領

地點:香港金鐘道 88 號太古廣場

售價:瑤柱裹蒸棕 $250/每隻、迷你蓮蓉梘水粽禮盒 $160/3隻 



hd