首頁 日報娛樂

日報娛樂

孖神秘女子睇藝術展 BTS成員V傳戀富家女

孖神秘女子睇藝術展 BTS成員V傳戀富家女

  紅爆全球的韓國男團防彈少年團(BTS)成員V(金泰亨),前日被粉絲捕獲現身首爾舉行的「韓國國際藝術展」VVIP預覽場,並將照片放上網,與V同行的還有一名女子,他們獲特別安排,有工作人員沿途為他們介紹畫作。昨日有報道指同行女子是V的女友,對方更是Paradise集團理事長女兒,女方亦有上載去欣賞畫展的照片,據指女方母親崔允貞當時都在場。   不過V所屬的公司HYBE否認拍拖傳聞,表示︰「崔允貞理事長的家人和金泰亨只是熟人關係。」有粉絲表示「只要V開心就好」,亦有粉絲不想他拍拖。女方家族集團旗下有酒店、賭場、建築公司等。

2021/10/15

上《玩爆你個腎》反客為主  Edan夾埋鄭中基成功整蠱KB

上《玩爆你個腎》反客為主 Edan夾埋鄭中基成功整蠱KB

  李健宏(KB)和鄭中基各自在YouTube有自家節目及頻道,近日兩人合作拍攝最新一集《玩爆你個腎》前晚播出,節目最初指整蠱的對象是MIRROR成員Edan,他被安排與鄭中基為電影《闔家辣》主題曲錄音,但過程中鄭中基扮跟歌曲監製舒文鬧交,Edan又被指使在兩人嘈交時送上生日蛋糕賀舒文生日,正當Edan左右做人難之際,KB現身解開一切謎團。   不過原來今集是計中計,真正整蠱的對象是KB,Edan經理人花姐也有份客串,原來鄭中基要Edan被整蠱後扮嬲,令KB內疚兼道歉,最初KB也有懷疑,但由於花姐好有戲,結果KB信以為真,最終令鄭中基的整蠱計劃順利完成。

2021/10/15

周啟生疑自閉症次子受虐報警

周啟生疑自閉症次子受虐報警

  周啟生和太太昨晚到灣仔警署擬報案,他透露約10日前,收到現年21歲次子、患自閉症的周爵居住的宿舍總監通知,周爵右腳因事致行路一拐一拐,照X光後發現右腳腳趾尾骨折,從閉路電視發現周爵被扯頭髮、摙頸及被推踢。   周啟生指校長通知他已報警備案,但周亦不能翻看閉路電視,因此昨晚以懷疑有虐兒事件為由前來報警。周啟生說:「佢(周爵)最近暴瘦了10幾20磅,常見到我想攬着訴苦,但大家都知他有問題,不能表達!」

2021/10/15

市川海老藏被指一腳踏兩船

市川海老藏被指一腳踏兩船

  現年43歲的日本歌舞伎藝人市川海老藏,在愛妻小林麻央4年前乳癌病逝後,獨力照顧一對子女,好男人形象深入民心。   日媒《週刊POST》昨日踢爆海老藏連續跟兩位女子開房!報道指他在上月到岡山倉敷準備登台,期間和一名約20多歲的長髮A子齊鋸扒,翌日更被攝得拿一疊萬元鈔票給A子,其後齊進旅館。   海老藏其後轉到鳥取米子,在當地則與一名30多歲短髮B子見面,兩人被揭深夜共處一室,翌日一起踩單車。報道曝光後,不少網民指海老藏覓第二春屬平常,但不應一腳踏兩船! 圖:網上圖片

2021/10/15

6位數搞保健食品生意  向海嵐歎投資比幕前有保障

6位數搞保健食品生意 向海嵐歎投資比幕前有保障

  向海嵐(Anne)繼年前跟友人開設珠寶首飾店後,早前再投資6位數搞保健食品生意,47歲的她本身是該品牌代言人,試用過後狀態有改善,加上疫情下更體會到幕前演出冇保障,投資可長遠發展。而Anne早前以師姐身份拍港姐真人騷,令她感觸良多,坦承港姐身份確實有無形壓力,令她未能走出框框,期待演另類角色,改變觀眾對她睇法。 撰文:杜淑霞 攝影:沈健程 髮型:Matt Chiu@Xenter 服飾:Club Monaco、Legacy Lab 場地:THE WAVE   Anne揀保健食品投資,源於該產品邀請她做代言人,她開始試食,「代言前都會試咗先,試咗覺得好,最大效果係瞓得好咗,個人精神咗,同埋甩少咗頭髮,髮型師都覺得我把頭髮大束咗,開始介紹畀身邊朋友,介紹得多就覺得係咪應該投資,疫情下大家愈嚟愈注重健康,想早啲預防,因為健康係長遠,於是由代言變投資埋落去,唔係投資好多,六位數,基本上將我

2021/10/15

當年心臟病發險變植物人  Joe Junior仲有得開Show多謝個天

當年心臟病發險變植物人 Joe Junior仲有得開Show多謝個天

  Joe Junior喺疫情下等足兩年半,鐵定本月25日及11月1日分別於沙田大會堂及文化中心舉行《POP LEGEND JOE JUNIOR IN CONCERT》,主辦商環星娛樂原先邀請李樂詩擔任嘉賓,可惜她確診患上乳癌。從而令Joe哥回想5年前死裏逃生經歷,更差點變成植物人,諗起都驚。採訪:方騫平 攝影:沈健程   從小熱愛唱歌的Joe Junior經歷過高高低低,形容有10幾年喺大海浮沉等人救上岸:「我唔夠靚仔,但又有好多女仔追,啲人唔抵得咪唱吓你,踩吓你囉!有啲人甚至會揸住雞毛當令箭,出現一啲唔公平現象,明明喺個宴會有得唱變咗冇,識唱歌又開唔到演唱會!嗰時年紀仲細,返到屋企會好委屈咁爆喊。壓力日積月累,加埋年紀大,太勞累最終大病一場。」   Joe哥重提當年患上冠心病的恐怖經歷:「嗰日喺桑拿房因為透唔到氣入咗私家醫院,但過百萬通波仔手術費真係負擔唔到,最後轉咗去律敦治醫院ICU

2021/10/15

與億萬千金互有好感  高鈞賢笑談被封「駙馬」

與億萬千金互有好感 高鈞賢笑談被封「駙馬」

  現年37歲、05年香港先生選舉冠軍高鈞賢,前晚出席劇集《廉政狙擊.黑幕》煞科宴時,談到被指與億萬千金吳玥彤拍拖,更透露被朋友笑指做「駙馬」!   高鈞賢前晚與黃宗澤(Bosco)及吳卓羲(Ron)等出席煞科宴。   談到被指去年回港簽約邵氏,是為了與億萬千金女友吳玥彤維繫感情?高鈞賢稱去年回港與簽約後才認識吳,雙方了解近一個月,雖然互相喜歡對方,但因為他經常飛來飛去,加上年紀不輕,拍拖要考慮清楚,暫時保持朋友關係。   談到吳玥彤是億萬千金,條件非常好,高鈞賢笑言看報道才知道,還被朋友稱做「駙馬」,他指吳是「好女仔」。   另外,有指Bosco頂替周柏豪拍《法證先鋒V》,他說:「沒有頂替邊個,有戲就拍。」他更和Ron互笠高帽,指對方均不能被其他人頂替!

2021/10/15

《演鬥聽》捧人構思來自曾志偉  王梓軒睇C君頭求添食

《演鬥聽》捧人構思來自曾志偉 王梓軒睇C君頭求添食

  TVB節目《演鬥聽》將於11月13日播出最後一集,而當晚播映時間會提早至晚上10時,更請到20位音樂人及歌手如王菀之、吳業坤、趙慧珊、施匡翹等撐場。雖然節目一直被視為走偏鋒,但口碑唔錯,更被形容係有質素嘅節目,第一季完結,王梓軒坦言好不捨,期待將來再玩過。 採訪:方騫平 攝影:葉君海 服裝:K-Swiss、Palladium   身兼節目主持人兼音樂總監嘅王梓軒提到節目的由來,因為幾年前喺演藝人協會同曾志偉傾開,大家都想搞個帶有刺激性嘅音樂節目,畀一班有才華嘅音樂人喺冇壓力下發揮才華。   為咗向曾志偉交代,王梓軒瞓晒身,每次花十幾小時錄影一集,仲會度埋節目內容。他笑說:「藝人面對輿論及花邊新聞,最慘係冇渠道解釋,透過音樂及唱歌,大家會聽得入耳,識聽嘅亦會搵到答案,所以我哋會喺嘉賓身上加入番啲好玩嘅素材,好似鄭俊弘講番創作《火車未到站》係因為忘記拉拉鏈;《刀削面》胡鴻鈞又畀鄭嘉嘉追問有

2021/10/15

讚林子博醒目 主動介紹工作  喬寶寶獲分配早更湊孫

讚林子博醒目 主動介紹工作 喬寶寶獲分配早更湊孫

  51歲喬寶寶今年8月30日榮升爺爺,大仔「印度豹」的太太誕下兒子Khalson(喬孫孫),9月30日除咗為孫仔擺滿月酒外,回家仲同兩子切餅慶生。o依家全家人搶住去湊BB,所以要分配時段免得有爭拗。提到林子博自爆英國新工作經喬寶寶介紹,寶寶覺得離鄉別井唔容易,係要有個照應嘅。採訪:方騫平   現居於蘇格蘭格拉斯哥嘅喬寶寶正職湊孫,喬家四代同堂,日日都好歡樂,他說:「喬孫孫受全家寵愛,o依家我哋要分段湊B,我負責7至12點早更,幫手執頭執尾做剪草等粗重家務,亦會接力掃吓風、BB喊就哄吓佢,但睇住佢成長都樂在其中,喬孫孫由出世7磅長肉到10磅,不過仲係冇乜頭髮。」問到會否將屋契送贈孫仔?喬寶寶坦言兩公婆已將屋契平分咗畀大仔及細仔了:「將來個孫有冇承繼權由大仔話事,不過,大仔兩公婆搵錢多過我好多啦,唔使我擔心。」 子博早有移民準備   另外,秘密帶埋子女移居英國嘅林子博喺一間地產公司做Mark

2021/10/15

8℃捱冷吹風  的士親熱撞到周身瘀  張繼聰周秀娜談  《馬達‧蓮娜》:拍到接近死亡

8℃捱冷吹風 的士親熱撞到周身瘀 張繼聰周秀娜談 《馬達‧蓮娜》:拍到接近死亡

唔講周秀娜(Chrissie)同張繼聰都唔覺,原來已在9部電影中合作,直到最近在《馬達·蓮娜》演兩個可憐蟲愛情故事,才算真正認識,而今次阿聰唔再搞笑成功轉戲路,要感激有古天樂這個黃大仙保佑。電影全程在澳門拍攝,兩人一場的士親熱戲,Chrissie既要施展軟骨功撞到周身瘀,更要在8℃低溫下拍攝,兩人形容有種接近死亡感覺,幸好電影已獲多個影展垂青,辛苦都值得,兩人更睇好對方有機會奪獎。撰文:杜杜 攝影:葉君海 髮型:Heibie Mok @Hair&Culture(Chrissie) 化妝:Circle Cheung (ndnco.co)(Chrissie)、PinkyKu 服飾:ba&sh、Giuseppe Zanotti、BVLGARI(Chrissie) 場地:富衛1881公館 以往多次跟阿聰合作,Chrissie覺得對今次演出有好大幫助,「呢套戲就係講『馬達』同『蓮娜』兩個人

2021/10/13

hd