首頁 日報娛樂

忍受17小時陣痛  吳浩康太太誕8磅11巨B仔

21/09/2022
■吳浩康、郭思琳迎接巨B「撑撑」,開心到喊。
■吳浩康、郭思琳迎接巨B「撑撑」,開心到喊。

吳浩康(Deep)和前港姐太太郭思琳今年初奉子成婚、雙喜臨門,思琳上周三(14日)終於「卸貨」,誕下重8磅11的大碼囝囝「撑撑」。Deep透露太太要催生,承受長達17小時的劇烈陣痛,連護士都大讚她好忍得痛,令他非常佩服太太。

Deep昨日透露親手為囝囝剪臍帶,而太太原本想順產,但去到醫院時子宮頸仍未打開,醫生建議落催生藥,之後要承受犀利陣痛,更透露醫生表示子宮頸未打開的程度在一至十度當中,連一度都沒有,令太太失望又擔心,前後足足經歷17小時陣痛,Deep表示:「我去到醫院時,姑娘第一句就同我講『你太太真係好忍得痛,佢可以咁樣頂,仲頂咗咁多個鐘。』所以真係好佩服太太,同埋真係好多謝佢,一啲都唔簡單,希望我可以繼續好好配合佢嘅生活啦!」Deep亦感謝大家的關心和祝福。

思琳在社交網分享一家三口的合照,透露BB乳名叫「撑撑」,歡迎他加入吳氏家族,更發文表示懷孕十個月幻想了多次囝囝的樣子,一直知是大碼BB,估唔到咁有份量,亦估唔到自己可以佗到個8磅11的BB,笑言難怪催生17小時都不肯出來。她坦言生B過程痛不欲生,最難捱是好想順產但一直催生,到開刀前都等不到宮頸打開,只不斷地感到劇烈陣痛,更大爆老公聽到BB第一下哭聲,開心到似中獎咁彈起。■Deep年初和思琳奉子成婚。

■Deep年初和思琳奉子成婚。
■「撑撑」重8磅11,眼仔碌碌好精靈。
■「撑撑」重8磅11,眼仔碌碌好精靈。
■思琳經歷17小時陣痛,終於誕下大碼B仔。
■思琳經歷17小時陣痛,終於誕下大碼B仔。
■早前Deep為太太慶祝首個母親節。
■早前Deep為太太慶祝首個母親節。

其他文章
hd