首頁 日報娛樂

陳年舊愛何超雲傳結婚 王大業拍拖3年Model女友服侍周到

22/09/2022
■女友好識做,一出門口即拎搓手液畀王大業。
■女友好識做,一出門口即拎搓手液畀王大業。


已故賭王何鴻燊三房千金何超雲,近日成為新聞人物,有傳佢答應拍拖7個月,任職消防隊長的圈外男友Douglas求婚,確實結婚日期尚未公佈,而何家人亦一律封口未有回應。2010年曾跟超雲拍拖,有皮草太子爺之稱的王大業(Andy)仍活躍於名人界,跟曾拍戲的Model女友Louisa拍拖3年,之前《頭條日報》就影到女方陪男方試鞋,仲主動遞上酒精搓手液畀男友,好體貼喎。採訪:娛樂組

回一回帶先,2010年,何超雲喺已成歷史的珍寶海鮮舫筵開五席慶祝21歲生日,當夜仲拖住大佢九年的王大業現身,高調承認戀情。不過兩人拍拖未夠一年就分手,有傳「死因」是當時賭王覺得佢唔識做人而麻麻哋鍾意佢,所以超雲最終將王大業降回朋友關係,野史嘅嘢真係信不信由你。
女友好體貼

講返王大業,同Model女友Louisa拍拖3年,感情相當穩定,從男方IG都偶然見到女友蹤影,反而女方IG就極少見到王大業。日前晚上7時,兩人到銅鑼灣利園附近名店睇波鞋,見男方行勻全間舖逐對鞋拎上手睇,女友就坐埋一邊,見男友試鞋又會畀意見,女友坐得耐又會企吓,Andy揀足一個鐘,拎住戰利品離開,一出門口女友即遞上酒精搓手液畀男友,然後再陪男友除口罩食煙,雖然眼神唔多鍾意但無話詐型,呢啲女友可以做老婆啦。■Louisa雖然淡出Model界,但身材都無走樣。

■Louisa雖然淡出Model界,但身材都無走樣。
■女友唔係成程坐,都有貼身陪住畀意見。
■女友唔係成程坐,都有貼身陪住畀意見。
■買完鞋再拖住手繼續行街。
■買完鞋再拖住手繼續行街。
■除陪買鞋之外又陪食煙,雖然眼神唔多like。
■除陪買鞋之外又陪食煙,雖然眼神唔多like。
■何超雲當年帶埋王大業出席生日宴公告戀情。
■何超雲當年帶埋王大業出席生日宴公告戀情。
■王大業好識做,出po賀女友生日。
■王大業好識做,出po賀女友生日。
■《絕種好男人》入面,Louisa(右一)飾演黃浩然一腳踏三船女友之一。
■《絕種好男人》入面,Louisa(右一)飾演黃浩然一腳踏三船女友之一。

其他文章
hd