首頁 日報娛樂

亞視花6位數請大律師訴訟 薛影儀普通襲擊罪下月7日高院上訴

23/09/2022
■三名涉濫發免針紙的西醫被警方拘捕。
■三名涉濫發免針紙的西醫被警方拘捕。

《星島頭條》收到獨家消息,孭住兩單官司的「亞視一姐」薛影儀下月連環「找數」,10月3日就涉嫌無牌駕駛等4項罪名向警署報到;而10月7日再到高等法院,就今年3月22日於屯門法院被判罪成的普通襲擊及違反「口罩令」兩項控罪上訴。上周四,於審訊前夕,已為AMM接新工作的阿儀去咗大馬,自選性感黑紗三點式泳衣上陣,露出深坑乳溝展示一姐實力,見佢喪玩水上活動,睇嚟好想減壓。
採訪:方騫平 攝影:譚志光 鳴謝:AMM(大馬)

被指係亞視「最後希望」的薛影儀在大馬擁有不錯的吸金能力,即使孭住兩單官司,由清盤的亞視子公司「亞洲電視數碼媒體」過檔到由林文龍揸fit的靚品牌AMM,跳槽後除獲加薪50%,仲有機會進軍東南亞市場,近日阿儀已開始接AMM的工作。
阿儀想減肥但唔願郁

阿儀出發往大馬前,在「最索經理人」林寶玉陪同下到銅鑼灣為一間私人健身中心拍攝,教練順道幫阿儀設計修身療程。工作人員先為阿儀量度體脂,得出體脂係21.3,較標準最高水平15.6高一截。面對阿儀「哦」、「唔」、「呀」、「唔知呢」、「都係唔講呢啲」等慣性回應生活作息、飲食及運動習慣問題時,激到教練秒速面黑!最後因應阿儀想減肉肉象腿要求,做咗幾個修緊下肢運動,包括舉啞鈴及玩瑜伽波等,但做咗一陣阿儀就嗌攰喇,都係收檔做訪問算了。
討厭Fans狂講我愛你

對於開始接AMM的首個工作,更獲加薪50%,問到阿儀係咪好開心?強調唔等錢使的她平淡說:「都OK呀!」記者再問她:「咁o依家人工有幾多呀?」阿儀今時唔同往日,醒目仔上身回應:「秘密嘢啦!可能老闆加薪醒我呢。」阿儀唔抗拒過檔AMM後繼續做「亞視一姐」,表示冇所謂,做到就做,她反而最介意被大馬fans狂叫「我愛你」,嬲爆表示唔太高興:「呢啲人講埋啲廢話。」
阿儀承諾會小心言行

提到下月初要面對兩單官非,據知就普通襲擊及違反「口罩令」兩項控罪,亞視花咗6位數字聘請大律師為阿儀訴訟。阿儀表示:「唔擔心……係嗰個人喺樓下跟住我……」在旁的經理人林寶玉即打斷阿儀講話,「呢啲交晒畀律師處理,暫時畀空間及時間佢消化。」問到公司可有為終極判決做定兩手準備?林寶玉避重就輕說:「公司會作出適當安排,暫時以阿儀健康心理質素行先。如果佢覺得ok,原則上公司唔會放棄阿儀,完全係睇佢意願。」阿儀強調重審前夕壓力唔算大,問到點去放鬆自己時?她繼續耍記者:「唔講呢啲喇。」但經一事長一智,阿儀承諾會變乖,日後更加小心言行,「係呀,我就算去私人活動都會問准公司。」林寶玉透露跟阿儀取得良好溝通,阿儀承諾唔會再闖禍。見阿儀在大馬換上性感黑紗泳衣,於水上樂園玩得好開心,她更膽粗粗玩高空繩索、滑浪等,露出只應天上有的罕見笑容,心情睇嚟真係未受影響。■身在大馬嘅阿儀揀咗件黑紗泳衣,玩若隱若現再晒深坑乳溝及超重秤肥腩,「最索經理人」林寶玉都唔夠佢搶鏡。

■身在大馬嘅阿儀揀咗件黑紗泳衣,玩若隱若現再晒深坑乳溝及超重秤肥腩,「最索經理人」林寶玉都唔夠佢搶鏡。
■形容身材都OK嘅阿儀,對體形愈來愈有自信。
■形容身材都OK嘅阿儀,對體形愈來愈有自信。
■阿儀堅持日日有跑幾個圈及行樓梯,唔明點解唔瘦喎。
■阿儀堅持日日有跑幾個圈及行樓梯,唔明點解唔瘦喎。
■為怕阿儀喺普通襲擊罪重審前講多錯多,經理人林寶玉喺身邊傍到實。
■為怕阿儀喺普通襲擊罪重審前講多錯多,經理人林寶玉喺身邊傍到實。
■事後經理人林寶玉陪阿儀見記者鞠躬致歉。
■事後經理人林寶玉陪阿儀見記者鞠躬致歉。
■去年9月阿儀涉冇戴口罩兼起腳踢街坊被捕。
■去年9月阿儀涉冇戴口罩兼起腳踢街坊被捕。
■因為涉無牌駕駛等4項罪名,阿儀上月初又再被捕,被網友稱為被捕界KOL。
■因為涉無牌駕駛等4項罪名,阿儀上月初又再被捕,被網友稱為被捕界KOL。

其他文章
hd