首頁 日報娛樂

一拖十跑勻港九谷戲 鄭伊健籲多留意影壇生力軍

26/09/2022
■鄭伊健在入場前親自在海報上簽名,望給觀眾驚喜。
■鄭伊健在入場前親自在海報上簽名,望給觀眾驚喜。

由新晉導演應智贇自編自導,鄭伊健、周家怡率領一眾新晉演員包括李靖筠、陳海寧、鍾雪瑩、雲浩影、黃淑蔓、李玗蓁、王頤、宋嘉儀主演的喜劇《深宵閃避球》雖然將於10月6日上映,但優先場門票已被秒殺,日前伊健率領導演及一眾演員共11人遊走銅鑼灣、尖沙咀、旺角、荃灣及屯門不同戲院與粉絲見面。

鄭伊健與周家怡在入場前簽海報送給粉絲,當伊健一出場,已被粉絲大叫《深》片中熱血教練名字「劉Sir」,肉緊電影口碑的伊健則馬上問觀眾:「我哋最緊張就係想聽到大家嘅反應,鍾唔鍾意呢部戲先?」粉絲們即熱烈歡呼:「劉Sir好靚仔,多啲喜劇!」更有首日已經二刷的粉絲以電影對白回應:「喺邊度跌低,就要喺邊度再跌低!」伊健更對此熱情回應:「做人就係咁㗎啦!」

謝票時被問到《深宵閃避球》對眾人的意義,伊健坦言比起自己,更希望大家留意到一眾電影生力軍:「我今次拍攝《深宵閃避球》遇到一個好有意思嘅故仔,新嘅導演應智贇,仲有咁多位新嘅演員,我希望大家會記住佢哋每一個面孔,留意住佢哋發展!」

而女主角家怡亦如片中「楊姑」一角充滿愛,對新演員們讚口不絕:「其實粉青隊八個女仔都好勤力又好乖,大家唔好俾佢哋電影入面百厭嘅一面嚇親!至於有冇人係本色演出就要靠大家自己發掘啦。」■伊健一拖十謝票,笑言好興奮。

■伊健一拖十謝票,笑言好興奮。
■左起:宋嘉儀、周家怡及鄭伊健與觀眾交流時,笑得好開心。
■左起:宋嘉儀、周家怡及鄭伊健與觀眾交流時,笑得好開心。

其他文章
hd