首頁 日報娛樂

61歲歐瑞偉亡命奔走跳零失手 陳展鵬絕密劇透《黯夜》大結局

29/09/2022
■展鵬企圖開槍阻止,結果造成慘劇。
■展鵬企圖開槍阻止,結果造成慘劇。

陳展鵬孭飛的劇集《黯夜守護者》本周踏入結局篇,好多角色嘅過去或者陰暗面都被揭開。《頭條日報》率先預告大結局劇情,展鵬飾演的「高輝」同歐瑞偉演的「大輝哥」,原來有耐人尋味的特殊關係,最後仲會搞出人命O添!不過展鵬話原來拍攝時都係一嚿雲,直至拍到尾聲先弄清楚同其他對手的關係,但反而覺得咁樣拍攝好有新鮮感,仲覺得特別好玩!
採訪:杜杜 攝影:娛樂組

《黯夜》有趣嘅地方係觀眾要睇到尾聲,先知各人物的真正關係,不過展鵬自爆原來拍攝時同樣一頭霧水,「呢套劇對我嚟講都幾大突破,因為我拍到最尾嗰集都仲喺度揣摩緊角色,我一路都唔知道大家嘅前身係乜嘢,每個角色與角色之間關係,知道認識對方,但實際關係係點樣,演到18、19集先至穿晒以前我哋係點樣。」
難揣摩角色仲好玩

連視帝級的展鵬都話角色特別難處理,正正因為有這種挑戰性,反而令他覺得特別好玩,「會覺得好難拿捏,但係呢種難拿捏有時覺得幾好玩,因為角色之前係卧底,好似兩邊都不是人咁。」展鵬唯有用以往冇用過的演繹方法去演,「唔需要知道同其他角色嘅關係,咩原因會喺埋一齊,去到尾flashback先至揭穿,我自己都喜出望外,原來我同佢之前嘅感情係咁樣,同佢嘅過節係咁樣,都幾特別㗎!」
圍捕「大佬」內疚一世

劇中展鵬其中一段特殊感情關係,肯定跟歐瑞偉有關。本報之前到東涌欣澳探大結局班,只見飾演警察「高輝」的展鵬,竟然拍住演黑幫頭目「大輝哥」的歐瑞偉,一齊同泰國黑幫見面,兩人仲同接頭人打晒招呼,原來正進行毒品交易。不過,好快車婉婉演的「Madam Tong」嚟到,更率領大班警察到場展開大圍捕,呢個時候展鵬即調轉槍頭,歐瑞偉得知展鵬其實係二五仔,即時攞槍指住佢。原來呢場戲講20年前展鵬仲係做卧底時,所跟的黑幫大佬就係歐瑞偉,當年兩人感情相當好,稱兄道弟,不過因為呢次圍捕過程,搞到瑞偉慘死在展鵬槍下,令展鵬一直好內疚,忘記唔到呢件事。■展鵬見到歐瑞偉捉住個伙記,即時喝止對方停手。

■展鵬見到歐瑞偉捉住個伙記,即時喝止對方停手。
■展鵬同歐瑞偉一齊見黑幫,仲打晒招呼。
■展鵬同歐瑞偉一齊見黑幫,仲打晒招呼。
■兩幫人進行毒品交易,相當疊馬。
■兩幫人進行毒品交易,相當疊馬。
■車婉婉帶埋大班警察到場,將兩幫人一網打盡。
■車婉婉帶埋大班警察到場,將兩幫人一網打盡。
■歐瑞偉知展鵬係二五仔,即揸槍指住佢。
■歐瑞偉知展鵬係二五仔,即揸槍指住佢。
■拍攝場地雖然在欣澳相當偏僻,但一樣被行山人士發現,見到展鵬即狂影。
■拍攝場地雖然在欣澳相當偏僻,但一樣被行山人士發現,見到展鵬即狂影。

其他文章
hd