首頁 日報娛樂

自資6位數開Show 最嬲被封「癲王」 蔡楓華委屈20年:我冇精神病

30/09/2022

61歲蔡楓華(Ken)自資6位數於下月21及22日在荃灣大會堂舉行《情深永記演唱會》,最貴VIP位盛惠780元,尾場門票已售罄。入行43年的Ken坦言對被封做「四大癲王」耿耿於懷,強調從來冇精神病,亦冇睇過精神科醫生:「唔做天王唔緊要,話係癲王就好離譜,會影響人哋事業,有冤無路訴。」委屈20年,他向《星島頭條》申冤,承認要靠食安眠藥入睡。
採訪:方騫平 攝影:譚志光
場地:北角海逸酒店

近年Ken心情變得開朗,他堅持喺疫情下需要發放正能量,開show唔係為賺錢係為開心。他表示1983年成立歌富製作,以往除咗為自己,亦曾幫過張國榮、梅艷芳、陳慧嫻等開show,憑經驗唔覺係冒險,「防疫經已成為港人常態,大家唔會再恐慌,唯一擔心中咗就開唔到show要『回水』,所以10月開始要閉關。」
澄清冇畀電視台封殺

Ken又忽發奇想,最想邀請合作過的鍾楚紅、翁靜晶及莊靜宜做演唱會嘉賓,提到歌單時就鬧爆啲KOL:「其實乜人都可以做KOL,佢哋講娛樂秘聞呃到幾十萬個like,啲料咪係讀報紙,點算秘密啫?佢哋仲好權威話『Ken得兩首歌!』講笑咩,我有百幾首歌《愛不是遊戲》、《絕對空虛》、《倩影》、《也許》,真係好鬼嬲。」他事先張揚個唱將演繹故友陳百強的歌,張國榮嘅歌就冇揀到,佢強調唔係放不低「一剎那光輝不是永恆」事件:「呢件事忘記咗好多年,唔好誤會我,我同哥哥一啲嘢都冇,只係要揀啲合適嘅歌唱。仲要澄清埋我當年冇畀電視台封殺,否則就拍唔到跟鄭裕玲、任達華合作嘅劇集《種計》。」
好窮想買九肚山豪宅

記者多番追問蔡楓華在疫情下點維持生計,佢就咁答:「都有好多工作嘅,好似寫書出自傳會賺到錢,我仲會寫歌及返內地發展,同幾間公司傾緊合作嘢……但我冇錢好窮,冇十層八層樓喺手,o依家離開我目標好遠,但唔畀我有志願㗎?我睇中咗九肚山一個單位,以我年紀冇得上會,諗緊一炮過買起佢。」他又發揮大智慧,好權威地表示美國加息,「目前乜都唔好做留住啲cash。」
問記者做唔做佢女友

過咗花甲之年的Ken形容自己係一個快活老實人:「如果講大起大跌我一定攞金牌,最紅時因失戀喺飛機上閃過自殺念頭,但人生匆匆幾十年,多錢少錢、紅同唔紅都係咁,但我唔難受,仍有好多人支持我呀,到咗呢個年紀你以為我仲係傻瓜?人哋屈我係『四大癲王』,我絕對唔係,呢十幾年用行動嚟洗脫咗,啲人亂講嘢侮辱人,人哋有大好前途真係會影響事業㗎!」他強調從冇精神病及睇精神專科:「因為工作太忙食過安眠藥爭取休息,呢行10個有10個都食啦,邊個做主角唔辛苦?但快樂。」另外,阿Ken自爆感情路上絕對空虛咗10幾年,當追問擇偶條件時?他口花花對着記者說:「你有冇興趣做我女朋友呀?咁我同你發展吓……講笑啫,幾十歲你估我係湯鎮業咩?以前娶妻求靚女,o依家娶妻求淑女。」估唔到Ken跟得幾貼,連63歲湯鎮業再娶嫩妻都知道。好有抱負■蔡楓華話o依家樓市回落想買鋪買豪宅。

好有抱負■蔡楓華話o依家樓市回落想買鋪買豪宅。
行色匆匆■訪問當日行色匆匆,蔡楓華跟女助手快做訪問一小時後截的士轉場。
行色匆匆■訪問當日行色匆匆,蔡楓華跟女助手快做訪問一小時後截的士轉場。
相隔4年■對上一次蔡楓華開演唱會係2018年,之後受疫情影響延至下月開騷。
相隔4年■對上一次蔡楓華開演唱會係2018年,之後受疫情影響延至下月開騷。
睇準時機■蔡楓華睇準疫情緩和時機,自資6位數開個唱。
睇準時機■蔡楓華睇準疫情緩和時機,自資6位數開個唱。
美好回憶■10年前蔡楓華喺紅館舉行《情陷紅館演唱會》。
美好回憶■10年前蔡楓華喺紅館舉行《情陷紅館演唱會》。
再戰樂壇■無線《勁歌金曲》30周年,第一代《勁歌》主持盧敏儀帶住蔡楓華做節目嘉賓,之後帶埋佢再戰樂壇。
再戰樂壇■無線《勁歌金曲》30周年,第一代《勁歌》主持盧敏儀帶住蔡楓華做節目嘉賓,之後帶埋佢再戰樂壇。
嚇親隔籬■當年蔡楓華喺《勁歌金曲》失言,嚇親盧敏儀。
嚇親隔籬■當年蔡楓華喺《勁歌金曲》失言,嚇親盧敏儀。
否認被雪■蔡楓華否認當年畀電視台封殺,因「一剎那光輝不是永恆」風波後,仲跟鄭裕玲、任達華及歐陽佩珊合拍劇集《種計》。
否認被雪■蔡楓華否認當年畀電視台封殺,因「一剎那光輝不是永恆」風波後,仲跟鄭裕玲、任達華及歐陽佩珊合拍劇集《種計》。
紅唇王子■蔡楓華曾與鄧靄霖合作麗的青春劇《IQ成熟時》。
紅唇王子■蔡楓華曾與鄧靄霖合作麗的青春劇《IQ成熟時》。
內地謀生■蔡楓華不時返內地disco做騷賺錢。
內地謀生■蔡楓華不時返內地disco做騷賺錢。
瘋狂行為■蔡楓華20年前到特首辦,揚言有文件要特首簽名,但被警員阻止。
瘋狂行為■蔡楓華20年前到特首辦,揚言有文件要特首簽名,但被警員阻止。
離奇入院■2002年蔡楓華表示失竊,送院檢查時仍戴墨鏡。
離奇入院■2002年蔡楓華表示失竊,送院檢查時仍戴墨鏡。

其他文章
hd