首頁 日報娛樂

簽新公司最開心可拍拖 楊梓菁自認愛情白癡

01/10/2022
■35歲的梓菁唔心急結婚,只希望搵到好男人拍拖。
■35歲的梓菁唔心急結婚,只希望搵到好男人拍拖。


楊梓菁(前名楊柳青)早前改名同時簽約新經理人公司,她希望一切都有個好的新開始。講到簽新公司其中一個條件吸引到她,就是可拍拖、結婚、生仔,不過她就否認恨嫁,只是想更有自由度做返自己,她亦坦言想拍拖,不過承認搵啱條件對象唔容易,唯有相信緣份。採訪:杜杜 攝影:娛樂組
髮型:Terrence Chan @HAiR 化妝:@hazesmakeup
服裝:Harvey Nichols Hong Kong 場地:Pier 1929

梓菁話有改名這個念頭好耐,因有堪輿學家提點過她,改名對她有利,「但係我本身好鍾意以前個名,容易記夠老土嘛!哈哈!直到有個我好尊重嘅前輩,建議我改呢個名,上年擺咗喺度直到簽約先至正式改,我希望呢個名帶畀我更多順利同快樂,想改名都係想有更加好嘅改變。」
否認恨嫁只望拍拖

講到簽約新公司,梓菁坦承因公司畀到她家的感覺,加上老闆Ken哥給她自由度很大,「每次返公司都唔似返公司,因為老闆娘同老闆囡囡都會喺度,好有歸屬感,同Ken哥係好易理解嘅人,我做咗演員都6年,好希望做返真正嘅自己,唔係話其他公司唔可以,但係老闆唔會限制你拍拖、結婚、生仔呢啲最基本嘅嘢,同埋條件上加埋合約年期,各樣都係令到我好舒服,唔係一方有被迫嘅感覺,合作舒服係最緊要。」

梓菁去年2月跟外籍男友因性格不合分手後,一直單身的她連傾合約都諗到感情問題,不過她就否認好恨嫁,至於拍拖卻無任歡迎,更希望搵到個孝順又有同理心,仲要有獨立經濟能力,兼且畀到安全感她的男朋友,不過她承認搵對象很難,唯有相信緣份。「問得梗係講自己最想要,但係好多時面對愛情,都係變咗個白癡,可能對方開度門嗰一吓你就鍾意咗佢,好得意,講就可以講到一百個條件,但到時可能因為一樣嘢就鍾意咗佢。」■梓菁認為改名有助在圈中發展,幫助得到更多演出機會。

■梓菁認為改名有助在圈中發展,幫助得到更多演出機會。
■2019年梓菁跟外籍男友打得火熱,在街頭激咀。
■2019年梓菁跟外籍男友打得火熱,在街頭激咀。
■梓菁去年跟陳觀泰和張建聲合演電影《大俠Action》,因而認識新公司老闆。
■梓菁去年跟陳觀泰和張建聲合演電影《大俠Action》,因而認識新公司老闆。
■梓菁早前跟「哲星匯文化娛樂」簽約,獲老闆Ken哥舉行記者會公佈消息。
■梓菁早前跟「哲星匯文化娛樂」簽約,獲老闆Ken哥舉行記者會公佈消息。
■有樣有身材的梓菁,仍然覺得要搵對象唔容易。
■有樣有身材的梓菁,仍然覺得要搵對象唔容易。
■以往多演硬朗角色的梓菁,希望未來可試演溫柔女人。
■以往多演硬朗角色的梓菁,希望未來可試演溫柔女人。
■梓菁簽約後趁有空檔,到泰國旅行充電。
■梓菁簽約後趁有空檔,到泰國旅行充電。

其他文章
hd