首頁 日報娛樂

10月開騷歐信希狂讚軒公求合作 公開呼籲想合唱露雲娜最Like欣宜

01/10/2022
■露雲娜與歐信希兩師姐弟好有默契。
■露雲娜與歐信希兩師姐弟好有默契。


露雲娜(Rowena)與歐信希將於10月11日在文化中心舉行《深愛著你演唱會》,順道祝賀兩人所屬嘅風行唱片公司成立57周年。這對師姐弟在互相監察下齊齊減磅,到時會鬥跳勁舞兼唱出代表作如《荳芽夢》及《默默向上游》等。Rowena更忽發奇想,有意跟同等身形及同聲同氣的鄭欣宜鬥唱鬥跳,而歐信希就想同張敬軒合唱。
採訪:方騫平 攝影:羅安強

去年10月舉行完《風行的音樂永續演唱會》後,歌迷反映話唔夠喉,加上咁啱10月有檔期,露雲娜及歐信希決定再合體演出,喜歡唱實體騷的Rowena表示相當期待,更強調減咗肥後想郁多啲,大跳勁舞冇難度,而減咗40磅的歐信希到時會着少啲方便晒線條。
唱歌湊仔變搖籃曲

Rowena於1968年以5歲之齡入行唱歌,在歌壇54年,她形容生命好奇妙:「我真係好鍾意音樂、好鍾意唱歌,當年會唱住歌湊仔,演變成兒子嘅搖籃曲,囝囝長大後就做咗我忠粉,佢識唱我啲中文歌㗎,雖然好有天份,但就怕醜唔敢上台唱。」對於時下樂壇有咁多新力軍,Rowena最like馮允謙及鄭欣宜;歐信希最愛係林家謙及唔算係新力軍,卻扶掖唔少新人的張敬軒。

Rowena尤其想跟宜欣喺台上鬥跳鬥唱,「我哋都係細細個出道,連身形都差唔多,又係英文人真係啱晒嘴形,合作到都幾得意。我見到佢經歷過高高低低,仍然好努力係咁唱,同佢交流應該都會學到嘢。」歐信希最想同張敬軒合唱,大讚軒公唱歌好又夠多元化,同咩人合作都可以。■露雲娜與歐信希都like鄭欣宜及軒公。

■露雲娜與歐信希都like鄭欣宜及軒公。
■Rowena搵咗年輕時的偶像賈思樂做嘉賓。
■Rowena搵咗年輕時的偶像賈思樂做嘉賓。
■兩人於《深愛著你演唱會》中,會唱出代表作如《雨中Shalala》等。
■兩人於《深愛著你演唱會》中,會唱出代表作如《雨中Shalala》等。
■Rowena老公、囝囝(與前夫所生)及媽咪都係佢忠粉。
■Rowena老公、囝囝(與前夫所生)及媽咪都係佢忠粉。
■歐信希收埋當年跟張國榮的絕密合照。
■歐信希收埋當年跟張國榮的絕密合照。
■今年中秋節,兩人去咗風行唱片老闆Mini屋企做節,有如一家人。
■今年中秋節,兩人去咗風行唱片老闆Mini屋企做節,有如一家人。

其他文章
hd