首頁 日報娛樂

激讚鄭伊健人品勁好 周家怡李靖筠爆男神被狂迷整蠱

07/10/2022
■家怡跟Gladys首次合作相當愉快,仲想快啲有下次。
■家怡跟Gladys首次合作相當愉快,仲想快啲有下次。

髮型:Vincent Yeung(家怡)、Zivyeunghair@leonardo3haircorner(Gladys) 化妝:Herman Ng(家怡)、Angel Mok(Gladys) 服裝:Ports International(家怡)、@sandroparis#sandroparis@purplepr(Gladys) 場地:PHENOMENON WINE·DINE(The ONE) 周家怡和李靖筠(Gladys)在電影《深宵閃避球》中首度合作,兩人最開心可以跟男神鄭伊健一齊拍戲,仲大讚對方工作態度及人品都相當好,更公開9個「瘋狂粉絲」整蠱伊健的爆笑實錄。 採訪:杜杜 攝影:羅安強


戲中家怡飾演單純又熱血的社工「楊姑」,做慣硬淨角色的她都擔心觀眾反應,「我成日做啲角色都好似好英明、好決斷,同一時間處理好多事,好似好勁,突然間做一個好純樸,選擇自己想聽咩嘅人,唔知觀眾會唔會覺得『扮嘢喎你!』,驚會有扮天真嘅感覺。」Gladys都笑指未認識家怡前,以為對方好cool,平日會戴黑超,「我以為佢好似(謝)霆鋒咁嘛!唔出聲,攞腳趾㩒鐘嗰啲,識咗後覺得佢真係好似『楊姑』,係好好嘅聆聽者。」
Gladys怕觀眾睇到破綻

Gladys飾演反叛少女「紀文」,擔心自己跟角色相差好遠,演起來觀眾會睇到破綻,「我係好難嬲,同埋好怕衝突,睇劇本冇覺得咁嬲,所以有啲心虛,我係勉強谷出嚟,唔係完全發自心底,唔知觀眾感唔感覺到啦!」相比她覺得苦練閃避球反而更容易,「閃避球係付出同收穫成正比,同埋嗰個月密集式咁練,一星期練三日,我哋冇乜點傾偈同揸流攤,所以都OK。」

家怡曾於2005年跟伊健合作劇集《隨時候命》,她大讚對方完全冇變,「佢性格真係好好,性格係贏晒,好真誠、humble,有嗰句講嗰句,又好照顧對手同台前幕後。」Gladys笑指伊健要面對她們9個「瘋狂fans」經常招架不住,「佢平時對住啲fans可以有助手擋一擋,但o依家冇計要日對夜對,對足一個月,我哋一見佢就嗌『劉Sir』同唱歌,令到佢好尷尬。」■家怡和Gladys回憶拍攝過程,好多笑料分享。

■家怡和Gladys回憶拍攝過程,好多笑料分享。
■家怡演繹「楊姑」,相信觀眾都好少見到。
■家怡演繹「楊姑」,相信觀眾都好少見到。
■Gladys在觀眾心目中的硬朗同倔強,好多時都係扮出嚟。
■Gladys在觀眾心目中的硬朗同倔強,好多時都係扮出嚟。
■Gladys爆伊健面對9個「瘋狂fans」,完全招架不住。
■Gladys爆伊健面對9個「瘋狂fans」,完全招架不住。
■Gladys這個「迷妹」,咁都要同伊健合照。
■Gladys這個「迷妹」,咁都要同伊健合照。
■家怡讚伊健多年來人品不變,跟他合作好享受。
■家怡讚伊健多年來人品不變,跟他合作好享受。
■Gladys話練閃避球雖然辛苦,但愈練愈覺好玩。
■Gladys話練閃避球雖然辛苦,但愈練愈覺好玩。

其他文章
hd