首頁 日報娛樂

跟舊同窗Stanley合作好放心 談善言拍鬧交戲一嘢車埋去

07/10/2022
■阿談在《野人老師》再遇旦哥和Stanley,合作得開心又放心。
■阿談在《野人老師》再遇旦哥和Stanley,合作得開心又放心。

演了多次學生角色的談善言,在ViuTV新劇《野人老師》中終於有機會做老師「晨光」,而且能跟合作過電影的鄭丹瑞及中學同學邱士縉(Stanley)合作,特別開心又放心。阿談自認自小性格好「摺」,怕受到注目,所以完全冇想過會成為演員,反而愛上演戲後因有推動力,逼自己作出更多新嘗試。 
採訪:杜杜 攝影:羅安強 髮型:Larry Ho @ Aveda IL COLPO
化妝:German Cheung 服裝:ATSURO TAYAMA

阿談在劇中要跟十個小朋友做對手,她最初都擔心場面會失控,但開拍前一班小演員上過工作坊,加上個個聰明精靈,合作時相當順利,「cut機時我都會同佢哋繼續玩,同佢哋傾吓偈,其實同小朋友玩得熟,一開始默契建立得好,之後就順暢好多,好信任你,做咩都會好自然。」
細個冇諗過做演員

跟合作過電影《小男人週記3之吾家有喜》的鄭丹瑞及Stanley合作,阿談特別開心,「呢兩個人都有份熟識感覺,好放心,尤其是旦哥係第二、三套電影合作,嗰時會驚啲,今次再見返佢,佢好貼近校長呢個image,又好風趣好chill,有時會用啲有趣嘅方法去引導你,唔會話指令你咁做,好似戲內校長會有好多唔同方法同小朋友溝通。」至於跟中學同學Stanley做對手戲,阿談可以更加放,「因為我哋熟,有啲戲會好放心,好似有場戲我哋鬧交要掉嘢,我可以好唔留力咁掉中佢個頭。」

講到童年生活,因為父母都好忙,阿談只得家姐和細佬相伴,但愉快地養成獨立性格,不過性格內斂的她,完全沒想過長大後會當上演員,「本身係比較『摺』,如果唔係呢行,可能接觸嘅嘢會更少,我鍾意呢行就係會逼我去試好多其他嘢,我鍾意呢種感覺,多過鍾意表演畀人睇。」她入行後首拍港台青春劇《DIY2K》仲未識享受當演員,到電影《點五步》才懂得欣賞,「真係試咗好多唔同方面角色,同唔同嘅人合作,搵到方向同方法去試唔同嘅嘢,先開始有少少成功感。」■阿談跟一班小朋友合作好愉快,鏡頭外他們都會叫她「晨光老師」。

■阿談跟一班小朋友合作好愉快,鏡頭外他們都會叫她「晨光老師」。
■早在2017年電影《小男人週記3之吾家有喜》,阿談已跟旦哥合作。
■早在2017年電影《小男人週記3之吾家有喜》,阿談已跟旦哥合作。
■阿談覺得旦哥跟戲中校長極似,教後輩演員亦有自己方法。
■阿談覺得旦哥跟戲中校長極似,教後輩演員亦有自己方法。
■阿談跟中學同學Stanley合作,可以更有默契。
■阿談跟中學同學Stanley合作,可以更有默契。
■阿談性格有溫柔一面,都希望有機會嘗試硬朗以外的角色。
■阿談性格有溫柔一面,都希望有機會嘗試硬朗以外的角色。
■阿談童年性格好內歛,根本冇想過會成為演員。
■阿談童年性格好內歛,根本冇想過會成為演員。

其他文章
hd