首頁 日報娛樂

《飯戲攻心》大收安樂晒 得閒放狗 黃子華任愛犬便溺 冇沖水缺公德心

07/10/2022
一眼認出
■雖然戴住口罩,但子華好似漆黑中嘅螢火蟲咁出眾,一眼就認到佢。
一眼認出 ■雖然戴住口罩,但子華好似漆黑中嘅螢火蟲咁出眾,一眼就認到佢。

黃子華與潘燦良合演的舞台劇《最後禮物》一再延期後,上月尾以50場完美落幕。而原定賀歲檔期上映的《飯戲攻心》同因疫情延至中秋上映,不過無阻票房,最新消息已收過5,000萬,子華神更於謝票時感觸落淚,見工作重回正軌,子華應該安樂晒。日前見到着灰衫黑褲,孭住大tote bag的子華,一支公於天后廟道屋企附近的寶馬山放狗,一人一狗齊散步不知幾寫意,不過子華見到愛犬小完個靚便就咁走咗去,唔清潔嘅?No Good喎。採訪:娛樂組

62歲的子華神早已升上神枱,拍戲寫劇本全為興趣,一向唔算多產的他,難得有電影上映,加上舞台劇,fans都表示好高興。之前舞台劇因為反應熱烈加開10場,最終50場圓滿結束。子華坦言每場耗盡精力,做到死一樣,又指今次演出絕對是可一不可再︰「其實每場我都驚係最後一場,我驚我會死,因為每演完一場都死咁滯。」好想睇但搶唔到飛?子華話有意將舞台劇搬上大銀幕,咁大家集氣嘞。
陪老狗慢慢行

當日天氣唔太熱有啲風,一身便裝,全身唔係灰就黑的子華同愛犬喺屋企附近散步,見佢沿路都不時四圍望,有時望吓個天,離遠望狗狗年紀應該唔細,所以子華都遷就番愛犬速度,慢慢行。由於慢行上山,子華話晒60有2,見佢慢行都似乎有啲索氣,口罩都拉低少少,露出個鼻唞氣。行到安全位置就解開狗帶,讓愛犬自由活動,而愛犬都好乖,冇話行得太遠,子華更全程望實愛犬。一過馬路,或者多途人的地方,子華都為愛犬扣番狗帶,可見是位盡責主人。

行行吓見到其他主人放狗,又望吓人哋隻愛犬,又撥吓頭髮,雖然6字頭但舉手投足都仲好男神,期間愛犬搵到個靚位小便,子華都停低慢慢等,但之後直接行咗去無為愛犬清理小便,咁樣無乜公德心喎。
寓所市值4,000萬

黃子華多年來都住在何文田,當年有報道指已30幾歲的女友對婚姻有憧憬,可惜等了子華9年都唔肯結婚,最後分手收場。有傳子華因此落晒形,最後送了何文田的同居單位給女友作補償,未能忘情的他在同區租屋與母親及胞妹同住。後來情傷難瘉,為免睹物思人,子華決意搬竇避舊愛,2013年,一擲2,438萬買入北角半山天后廟道低層豪宅單位,目前升值至4,000萬,亦即是子華當日放狗返回的寓所。

搵到靚位■愛犬搵到靚位小便,可能忍咗好耐,都痾得幾耐,而子華就一直望住。
搵到靚位■愛犬搵到靚位小便,可能忍咗好耐,都痾得幾耐,而子華就一直望住。
行咗去嘞■愛犬小完便,子華無用水沖就走咗去。
行咗去嘞■愛犬小完便,子華無用水沖就走咗去。
眈天望地■子華放狗期間都怕突然落雨,不時望天觀察。
眈天望地■子華放狗期間都怕突然落雨,不時望天觀察。
上山氣喘■子華沿天后廟道上山,都要拉低口罩露出個鼻唞吓氣。
上山氣喘■子華沿天后廟道上山,都要拉低口罩露出個鼻唞吓氣。
放繩散步■去到安全地方,又見冇乜途人,子華就解開狗帶讓愛犬自由活動,期間全程望實狗狗。
放繩散步■去到安全地方,又見冇乜途人,子華就解開狗帶讓愛犬自由活動,期間全程望實狗狗。
輕撥頭髮■雖然62歲,但子華都好多頭髮,呢吓撥一撥真心有型。
輕撥頭髮■雖然62歲,但子華都好多頭髮,呢吓撥一撥真心有型。
齊齊返歸■愛犬解決完生理需要,子華就帶狗狗返屋企。
齊齊返歸■愛犬解決完生理需要,子華就帶狗狗返屋企。
完美落幕■上月尾,子華完成50場舞台劇《最後禮物》。
完美落幕■上月尾,子華完成50場舞台劇《最後禮物》。
票房大收■《飯戲攻心》大收5,000萬,子華期待有6,000萬票房。
票房大收■《飯戲攻心》大收5,000萬,子華期待有6,000萬票房。
感觸落淚■黃子華首次現身謝票活動,被觀眾問到戲中最痛一幕時,忍不住感觸落淚。
感觸落淚■黃子華首次現身謝票活動,被觀眾問到戲中最痛一幕時,忍不住感觸落淚。

其他文章
hd