首頁 日報娛樂

曾遭前夫家暴 寄語同路人要愛自己 可嵐慨歎失婚女人被歧視:叫我返去湊仔

08/10/2022
唔抱期望
■失婚後可嵐怕人戴有色眼鏡看她,所以對愛情唔敢再有期盼。
唔抱期望 ■失婚後可嵐怕人戴有色眼鏡看她,所以對愛情唔敢再有期盼。

2008年的《女生不哭》令外界認識可嵐,2010年後奉子成婚下嫁日本餐廳老闆尤子威,但婚姻只維持4年,她受不了被家暴及淪為性愛工具,甚至被要求墮胎,唔畀生第二個。單親媽媽捱足8年,直至最近跟拍拖兩年的金融男友誕下一子。可嵐曾經滄海,慨歎失婚女人要搵個珍惜你嘅對象唔容易,自爆曾拒絕送上門,被以為可發展嘅男人hurt爆:「返去湊仔啦你!」令自信心跌至地殼底。 採訪:方騫平 攝影:朱偉彥 場地:千代鶴

可嵐(Colleen)早前宣佈再度懷孕,近日為細仔舉行百日宴,newborn baby肥肥白白,眼大大相當精靈可愛,由於採用全人奶餵哺,可嵐周身唔得閒,每朝要揼定人奶,湊完大仔返學,緊接打理日本餐廳生意,乜都親力親為,唔使男友幫手。她坦言曾經受過傷,所以有危機意識及保護機制,會劃定個圈畀自己,唔畀人踩過界,「衰啲講句,就算我再遇人不淑,我都有能力自給自足,照顧晒所有嘅嘢,包括BB。」
內傷未瘉恐懼婚姻

重提恐怖婚姻,可嵐雖然已走出陰霾,但內傷未瘉演變成婚姻恐懼症,亦唔容易再去相信男人,更加唔會再婚,她解釋:「見過鬼梗係會怕黑,以前簽紙(婚書)簽得太輕易喇!原來簽紙易,離婚難,最後要搞到關係破裂。既然相愛,點解仲要簽紙?去到七老八十先簽,唔係仲更加浪漫?如果話要用一紙婚書嚟做保障,作為過來人嘅經歷,係乜保障都冇,o依家每個月畀個仔嘅生活費只係得幾千蚊,咁多年都冇調整過。佢(前夫)唔願畀(錢)可以用盡方法唔畀,包括一度『浪子回頭』要求復合,原來係為搞離婚做好準備,轉移資產,拉鋸咗兩年幾,最後由我提出和解協議,因為我冇晒錢繼續打官司。」
識得自愛才能愛人

可嵐失婚後,身邊朋友都為她撮合情緣,點知再一次受到傷害,「其中有個了解中嘅對象感覺都唔錯,直至有次佢飲醉酒打嚟,用命令式叫我馬上現身,因為我冇答應佢,佢即喝罵我:『你以為你係邊個呀?要你過嚟咪過嚟囉,返屋企湊仔啦你。』呢段說話對一個要帶住細路、自信心唔高,對愛情冇乜憧憬嘅失婚女人嚟講都幾hurt,更加完全摧毀對呢個男人嘅印象,原來失婚女人要搵個肯去珍惜你嘅男人唔容易。」她感恩o依家個男友包容度高,更關顧整個家庭,而且兒子都好接受他,「過去經歷令我失去安全感,但佢會好斯文咁同我分析問題,令到我個人緩和好多,細水長流相處形式係最舒服,所以更加要保護佢,盡量唔會提佢。」可嵐仲sweet爆大笑說:「佢好易飲醉㗎,但佢冇發酒癲,醉咗只會瞓覺。」最後她寄語同路人,人一世物一世,都需要被愛,但必須要識得愛自己,才懂得去愛別人,而唔係好似以前咁,會奮不顧身去愛一個人,甚至改變自己嚟迎合別人。大仔最愛■大兒子恨咗多年終於有個細佬,會好主動去湊BB。

大仔最愛■大兒子恨咗多年終於有個細佬,會好主動去湊BB。
生存動力■照顧媽媽及兩個囝囝係可嵐最大嘅生存動力。
生存動力■照顧媽媽及兩個囝囝係可嵐最大嘅生存動力。
奉子成婚■當年可嵐喺歌唱事業發展起步期就奉子成婚,下嫁前夫尤子威。
奉子成婚■當年可嵐喺歌唱事業發展起步期就奉子成婚,下嫁前夫尤子威。
容忍階段■大仔尤俊於2011年4月出生,當時可嵐仲容忍老公趁住她分娩時,返內地偷食。
容忍階段■大仔尤俊於2011年4月出生,當時可嵐仲容忍老公趁住她分娩時,返內地偷食。
可愛細B■中秋節當日可嵐幫細B搞咗個百日宴,BB頭大大、白雪雪好可愛。
可愛細B■中秋節當日可嵐幫細B搞咗個百日宴,BB頭大大、白雪雪好可愛。
開記者會■2014年開記者會,可嵐喊住爆遭老公家暴。
開記者會■2014年開記者會,可嵐喊住爆遭老公家暴。
展示傷勢■可嵐曾展示被門夾手指傷勢。
展示傷勢■可嵐曾展示被門夾手指傷勢。
未婚生子■可嵐用咗8年時間「修復」,直至近年才開始相信愛,肯為男友生B。
未婚生子■可嵐用咗8年時間「修復」,直至近年才開始相信愛,肯為男友生B。
得來不易■相隔11年再成功造人,36歲可嵐話得來不易。
得來不易■相隔11年再成功造人,36歲可嵐話得來不易。

其他文章
hd