首頁 日報娛樂

首度合作讚轉數快 宣萱睇ERROR節目忍唔住喊

18/11/2022
■宣萱、姜皓文與ERROR合作拍劇,笑言開心到唔想收工。
■宣萱、姜皓文與ERROR合作拍劇,笑言開心到唔想收工。

ERROR、宣萱、張慧儀及姜皓文等昨日出席ViuTV新劇《極度俏郎君》開鏡拜神。宣萱表示有追看《ERROR自爆96小時》,更睇到喊,因為欣賞他們好努力,首度合作更讚ERROR轉數快。

在《極度俏郎君》飾演「四大金光」的ERROR以古惑仔造型示人,對於今次與宣萱合作,Dee透露原來宣萱有追看《ERROR自爆96小時》,更睇到喊,令他很意外。保錡自爆見到宣萱時,忍不住跟她說:「你好靚!」193隨即踢爆保錡喜歡張慧儀,經常看她以前的性感電影,保錡直言見到慧儀姐會緊張,問到會否加咀戲?保錡笑言:「我心理未準備好,同男人我準備好晒!」

問到是否夠膽在一眾前輩面前爆肚,肥仔說:「有啊,我哋好多後生仔gag,有啲位佢哋唔明,我哋就解釋畀佢哋聽,佢哋都會一齊夾。」

宣萱直認睇ERROR節目感動到喊,好欣賞他們的勤力和有心想轉變一些事,笑指保錡是她拍劇以來遇過最多說話的對手,拍攝前壓力不少,因知道ERROR轉數快。

今年初「通波仔」的黎彼得昨日精神不俗,問他是否仍會拍TVB劇,他即說:「佢(TVB)都冇搵我開工!」又指仍有一年TVB兼職合約,可以兩邊走。黎彼得透露出院後,曾勵珍沒聯絡他,會否覺得心灰意冷?他說:「人情不嬲都冷暖㗎啦,由佢啦!自己暖就得。」若TVB找他拍劇,他也不願:「兩組捱更抵夜,年紀大頂唔住,呢啲錢唔係我搵,搵咗都唔夠醫藥費。」■193踢爆保錡喜歡張慧儀。

■193踢爆保錡喜歡張慧儀。
■黎彼得表示,頂唔順TVB拍劇方式。
■黎彼得表示,頂唔順TVB拍劇方式。

其他文章
hd