首頁 日報娛樂

西雅圖登台 黃夏蕙搭飛機去撐場 唔想問個仔攞錢喬寶寶返港搵快錢:

21/11/2022
■喬寶寶和黃夏蕙相識超過15年,老友鬼鬼。
■喬寶寶和黃夏蕙相識超過15年,老友鬼鬼。


52歲土生土長香港人喬寶寶,近年定居蘇格蘭湊孫為樂,趁第二個孫仔下月出世前空檔,日前由英國飛往美國西雅圖登台,更邀得移居美國的黃夏蕙撐場,兩人在台上妙語如珠,仲合唱《愛拼才會贏》,見到熟朋友的夏蕙姨非常開心,風騷地向寶寶表示,下年農曆新年可能會返港上頭炷香。採訪:方騫平

喬寶寶到西雅圖登台,在三藩市定居的黃夏蕙與女兒Maggie都有去捧場,原來寶寶跟黃夏蕙相識超過15年,感情深厚。黃夏蕙在外地見返老友勁開心,講嘢特別幽默。
夏蕙BB可能返港上頭炷香

喬寶寶着肌肉衫扮大隻佬訪問夏蕙姨,追問她明年1月會否返港上頭炷香?夏蕙姨笑說:「我梗會返啦,但唔關你事喎,你無權問我,你咪恃大隻打得呀,我同你隻揪咪隻揪。」夏蕙姨又透露移居美國後跟女兒、孫仔、曾孫女家庭樂,她得戚地跟寶寶說:「好過你呀!你又唔帶埋老婆嚟?」喬寶寶口花花玩鬼夏蕙姨:「你都係我前度呀,我知你喺度,專程嚟美國搵你,同你表演唱歌,其實係想見你,因為我好掛住你。」夏蕙BB馬上落閘:「你就想呀你,我唔掛住你,你都娶咗老婆啦,我唔鍾意食咖哩,嫌太辣。」夏蕙BB仲笑住嫌喬寶寶有豬腩肉,唔啱佢。

喬寶寶退而不休,下月初返港做「快閃店長」搵外快,他說:「屋企都有開支,冇理由問阿仔攞,咁我搵到錢咪一家人齊齊用囉。」■新抱腹大便便,喬寶寶第二個孫仔下月初出世。

■新抱腹大便便,喬寶寶第二個孫仔下月初出世。
■女兒Maggie及其男友,陪夏惠BB坐飛機。
■女兒Maggie及其男友,陪夏惠BB坐飛機。
■夏蕙BB喺美國搞生日會,難得四代同堂合照。
■夏蕙BB喺美國搞生日會,難得四代同堂合照。
■黃夏蕙由三藩市飛往西雅圖捧場,更上台合唱《愛拼才會贏》。
■黃夏蕙由三藩市飛往西雅圖捧場,更上台合唱《愛拼才會贏》。
■夏蕙BB喺美國周圍玩,曾到訪唐人街。
■夏蕙BB喺美國周圍玩,曾到訪唐人街。
■喬寶寶一有時間就搵錢幫補家庭。
■喬寶寶一有時間就搵錢幫補家庭。
■11月27日是李小龍的82歲忌辰,寶寶喺西雅圖期間順道弔唁偶像及其兒子李國豪。
■11月27日是李小龍的82歲忌辰,寶寶喺西雅圖期間順道弔唁偶像及其兒子李國豪。

其他文章
hd